علاقتي مع أخواتي سيئة ويفعلون كل شيء بدوني

انا عندي 4 اخوات انا الوسطانيه اخواتي يكرهوني ودايمن يغلطوني في كل شي اقوله واعمله ولمن اجي عند امي ونتجمع يجلسو على جوالاتهم يدوب يردو عليا وحده فيهم ساكنه بعيد في ينبع بناتها في سن بناتي تخلي بناتها مايتكلمو مع بناتي بدون سبب بنتي الصغيره تجي جمب بنتها تكلمها تبغى تلعب معاها ماترضى واخواتي الباقين ساكنين مع امي ابويا عمل لكل وحده منهم شقه في العماره الا انا ساكنه بعيد شويه همو يسهرو مع بعض ومايقولولي تعالي بحكم انهم مع بعض ويكلمو الا في ينبع لمن تجي تسهر معاهم قال اخواتك وحده ارمله والتانيه مطلقه والتالته ساكنه في ينبع وانا قالولي ساكنه في جده واي وقت تجي عندنا يتجمعو مع بعض ويطلعو مع بعض ولمن اعاتبهم يقولو انتي دايمن مشغوله مايمديكي او يخلو امي الا تكلمني انهم طالعين همو مايقولو مني عارفه السبب قد مااحلول اتقرب منهم واتكلم معاهم احسهم يغارو مني ومن اولادي اي شي يحصل ليا يفرح مااحسهم يفرحو معايا ولو خبيت عنهم شي عن مشكله عندي يشتكو لامي اني غامضه ومااشاركهم معايا وانهم يبغو يكونو معايا وهمو بالعكس يبغو بس يعرفو من باب الفضول حتى بنتي لمن انخطبت ماباركو الين كلمت امي ليش اخواتي ماباركو بعدين ارسلو على الواتس مباركه ايش الحل انا احبهم على قد مااشوف منهم يجلسو ليا على الغلطه وهمو لمن يغلطو واكلمهم يقولو انتي تدققي انتي تحبي المشاكل وانا اتغافل واسامح ايش اسوي انظلمت في الشقه وسكت قال ابويا اعطيكي انتي فلوس بدل الشقه بس انا ماابغى فلوس ابغى تكون ليا شقه معاهم اسهر معاهم وابات معاهم ننبسط بس مارضيو بناتي دايما يسالوني ليش خلاتي يكرهونا وكل مره اقلهم انتو غلطانين وهمو شايفين بعينهم المعامله خاصه من اختي الا في ينبع تغار مني وتكره بناتي بدون سبب ايش الحل انا نفسيتي تعبت واحاول ماابين لامي وابويا عشان مايتاثرو

اهلا بك يا ابنتي والأمر له علاقة بالتربية من الأساس، فلو رجعت للماضي لوجدت ان نواة التفرقة وعدم الصحوبية موجودة، وزاد عليها الأمر الظروف التي مررتن بها فلما وجدن انك ناجحة وتزوجت وسعيدة مقارنة بما مررن به لعرفت انه ربما زاد الشرخ واصبحت القضية انهن معذورات بالبقاء سوية وانت لك حياتك وبيتك وما يشغلك، وتلك التي في ينبع تلعب دور الضحية بانها البعيدة والتي في غربة وانت القريبة، يعني لو حللت الأمر لوجدت ان كل منهن وقعت في لعبة دور الضحية وانك انت التي لا تفهمين ما يمر عليهن وانه لا يحق لك ان تكوني ضمن الفريق لانك لم تعاني. ابنتي اولا حقك ويجب ان تأخذيه من ابيك سواء في المال او في شقة وهذا حق لك ولاولادك من بعدك فلا ترفضي حقك بل طالبي به. ثانيا يجب ان تكوني قوية وتعرفي كيف تتعاملين معهن، وانت لك بامك وبرها وبابيك والاهتمام به. تغافلي وتجاهلي واستقلي في امورك واخبارك ولا تقفي موقف الشخص الذي تتم محاسبته على كل سلوك، ولا تنتظري لا خير ولا شر كوني محايدة وانشغلي بنفسك، انا اعلم انك تشتاقين لاخواتك ولكن لديك الكثير ليشغلك واحذري ان تتكلمي بالأمر امام اولادك وبناتك وقولي لا اعلم سبب هذه التصرفات ولا تكذبيها ولا تصدقيها وقولي لاولادك وبناتك ان ينشغلوا بانفسهم، وانت ابق على تواصل راقي مع اخواتك واسالي في الامور العامة، وباركي وشاركي ان حصل موقف. ولا تشركيهن كثيرا بامورك ولا تبقي تتعتبي عند امك لماذا لم يسالن ولماذا لم يفعلن، كوني طافية كالزيت فوق الماء، وترفعي عن كل هذه الأمور وكل واحدة تتصرف بناء على نفسيتها ومشاعرها وانت اكبر عقلا واكثر فهما فلا تقولي تغار ولا تحب لي الخير وان كنت تحبين امك وابوك اتركي هذا الأمر جانبا ولا كأن امر يحدث، وتعاملي باصلك واخلاقك وعززي مشاعر المحبة بين بناتك وابق شعرة معاوية من طرفك وقللي العتاب فهو مدمر لنفسيتك، وقيل الاهمال افضل طريقة للتربية في هذه الحالات، كوني سعيدة وفرحة وضحوكة واجتماعية وان رايتيهن ابتسمي وانقلي لامك الاخبار الحلوة واطلبي حقك من ابيك واستمتعي بحياتك وبيتك والان لك انسباء والعائلة تكبر وربي يوفقك.