نفكر بالهروب وترك البيت بسبب ضغط أبي الكبير علينا

انا جاني الاكتأب من ابوي، انا ما عمري ضريت احد واذا ضريت يكون بدون قصد والحمد لله انا ما فد اذيت ابوي ولا عاقه فيه اطيعه في كل شي الا انه من وقت وانا صغيره الى وفاة امي، كان ما يطلعنا من البيت انا واختي و صرت اعاني اجتماعيا صارت صداقاتي تنقطع حتى اهلنا ما نزورهم ، المهم في الفنرة الاخيرة بعد وفاة امي ودخولنا الجامعه، بشوي بدا يتقبل خروجنا من المنزل بس بحدود وساعات معينه!! عاد ليتها نطلع بشكل اسبوعي! لا! بالقوة مره او مرتين بالشهر !! او لقضاء حاجة للسوق بعدها طوالي البيت! جاني اكتأب وما استبعد اختي بعد الي صارت تفكر باشياء جنونيه كالهرب بعد التخرج!!!! وكله منه وانغلاقه عن العالم والناس وجلوسه على التلفيزون!! الحمد لله امورنا كويسه، واموره احسن منا !! كيف؟ يطلع اي وقت يبي و يمشي رياضة ويغير جو ! يجي البيت اي وقت الا انا واختي!! لا زعلنا يسكتنا بمفرحات !!! و لا بغينا فلوس بالقوة ناخذ منه !! والله قبل فترة قررنا نسافر ولزوم تصريح سفر واقنعناه بعد صياح بس لما قررنا نسافر لدبي مع اخواني ! وطلبنا منه فلوس والله مو كثير 1000 بس زعل ورفض وفجأة فكر بعايلته وفكر يزورهم وثالثا ما فيه دبي لانو بنروح لاهلكم !!!! من عقب كم سنه !! بس عشان ما نسافر!! انا طلعت الي بقلبي عليه وزعل وتجاهلنا تماما وقررنا انا واختي نتجاهله تماما !!! ملاحظة: - انا ما اعرفه كويس مره شخصيته وايش يحب حاط بيننا وبينه جدار واذا حاولنا نقعد عنده نسولف يقوم من مكانه! - ايضا، يزعجنا بالاجازة بالمعاهد واحنا تو ما تخرجنا المفروض نسافر ونطلع وننبسط مو معاهد ونكد!! والله اخجل استفسر من اقاربي او اشكيهم عنه والله تعبت!! عجزت افهمه!! - وايضا ما يصرف الا على شي ضروري، مثل لزمات المدرسه او ادوات صحيه وملابس والله حتى الملابس والكشخه ما شتريهم الا بالسنه مره حتى العيد ما نعيد ما نطلع ما نشتري للعيد مع ان امورنا تمام!!! المهم انا ما ابي حل انا ابي اعرف هل عيشتنا طبيعي !!! انا عارفة بننضر من هالعيشة نفسيا وصحيا بس هو تفكيرة انو كل بنات الناس كيذا غالبا!! والله ضايق صدري!! تعبت الي ارتاح نفسيا ما ابي اعيش كيذا طول عمري وخايفة!!!

يا ابنتي وهل فكرت في مشاعر ابيك نفسه، لماذا نظرت للموضوع فقط من ناحيتك فهو فقد شريكة حياته وونيسته في هذه الدنيا، اصبح يخاف ان يكبر او يخاف الموت وصدقيني هو يحمل عبء العائلة ولكنه لا يعرف كيف يبوح وانت لا تعلمين ما مشاعره، هو يعيش بدون زوجة ولم تخبريني عن عمره ولكن يبدو انه نشيط لانه يذهب للرياضة ويمشي، لذا اريد منك ان تغيري منظورك في القصة وتنظري لها وتسمعيها على لسان والدك وسيقول كم انا وحيد وتعيس فقد توفيت زوجتي وبقيت وحدي بناتي كل واحدة تهتم لمصالحا ولا احد يسال بي او ياتي الي او يطمأن علي، انانيين يريدون فقط مال ومال ولا يعرفون انني كبرت وحزنت واحاول ان احافظ على صحتي لاجلهم :)) يا ابنتي يجب ان تضعي نفسك مكان والدك وتحاولي ان تجدي نقطة التقاط بينكما، تقربي منه احضنيه اجبريه على التعبير عن مكنونات صدره، كوني قريبة منه ودعيه يشم رائحة امك بك، وفكري مع اخوتك بتزويجه ان رغب في ذلك فهو حق له، فكري بطريقة ناضجة وانا لا اعرف عمرك ولكن يبدو انك ذكية وستتمكنين من حل الموضوع بطريقة ايجابية. وهو ابوك في كل الاحوال وبره واجب عليك. وفقك الله