كيف أرضي ربي وضميري أمام ابنتي وطليقتي

انا كنت متزوج زوجة محترمة وزواج دام ٣ سنين وتطلقنا بعد مشاكل في اخر عام لدينا ابنة الان لديها ٤ سنوات ونصف ومن اسباب المشاكل انها كانت لاتحيد الامور في بيتها بشكل حتي اقل من الطبيعي وكنت اسكن ببيت اهلها بالايجار علما بأن اهلها عرضوا علي مجانا لكن رفضت والحمدلله التزم في ايجاري والتزامات بيتي وكنت اقف بجانب اهلها واتعامل معهم كأنهم اهلي ولكن حينما مرضت والدتي والظروف بدأت تسوء طلبت منها تقف بجانبي في محنتي وتذهب معي لأمي وتساعدني رفضت هي واهلها ومنذ هذا الوقت وبدأت احس انها قلت من تظري جدا وبدأت اعاند معها واتعصب كتير معاها وهجرتها ٣ شهور وطلبت مني الرجوع ورفضت وللامانة كنت برسلها فلوس لكن قليلة وبعدها حصلت مشكلة وغلطوا فيا اهلها وطلبت عائلتها تحضر وقالولي حقك علينا انت عايز ايه واحنا نعمله وتنازلت وقولتلهم مش عايز حاجة غير مراتي وبنتي عشان خاطر بنتي وهنسكن بعيد ومكلمناش ٣ شهور انا كنت شايل جدا منها ومن اهلها وبصراحة الفترة دي كنت علي معرفة بواحدة تانيه محترمة وبنت ناس وحبيتها المهم لما نقلت لشقه تانيه مكملناش ٣ شهور والمشاكل زادت وعاندنا مع بعض احنا الاتنين وغلطنا في بعض وبكل أمانة انا كنت متشدد جدا وبقف علي أي غلطة المهم اتفقنا اننا ننفصل واهلها طلبوا حقها القايمة وانا سبتلها كل الي في القايمة ودفعت المؤخر وبدفه حاليا نفقة لبنتي بإنتظام شهريا مع زيادة سنويا اتجوزت بعد كده من الي كنت عارفها وكان الموضوع صعب ومرفوض لكن ربنا اراد والموضوع تم وبقالي سنة متجوز بس بقالي فترة مش مستريح من ساعة ما مراتي الجديدة حامل وانا بدأت اتعب نفسيا جدا عشان بنتي الاول وضميري مش مرتاح ومش عايش مرتاح ومبنامش الا لما افكر في بنتي ولحد ماجت فترة حصلت مشاكل بيني وبين مراتي الحالية وهيا حست اني مخنوق ومش مرتاح وقالتلي لو عايز ترجعها رجعها عشان مرضاش ان بنتك تتحرم منك ولا هيا تتحرم منك لان انا هولد طفل ومش عايزاهم يكرهوا بعض وانا بصراحة صليت استخارة كتير ولكن منقسم نص بيقولي رجعها عشان بنتك والنص التاني مني خايف من حاجات كتير مسئولية كبيرة وخايف لا اهلها وهيا كمان ترفض ولكن عايز اعمل كده عشان عايز اريح ضميري واعمل الي عليا مع العلم مفيش اي تواصل مع زوجتي الاولي خالص لكن انا عايز ارضي ضميري قدام نفسي وقدام ربنا وعشان خاطر بنتي وعشان خاطر لو مراتي القديمة ليها اي حق عندي سواء ظلمتها او اس شيئ والان انا متردد

. لن تخسر شيئا لو استشرت طليقتك بالعوده إليها ، خاصه وأن زوجتك الثانية موافقه ولا تريد أن تحرمك من ابنك . لا شك أنك تشعر بتأنيب الضمير لأنك لم تصبر على زوجتك الاولى ، فهي ككل زوجه تحتاج لبعض الوقت حتى تتقن العناية بييتها وتحمل المسؤوليات . لم تتحمل أيضا ، رفضها للعناية بوالدتك ، وهذا ليس واجبها بل واجبك أنت ، ولا يمكنك أن تعاقبها عليه . لقد خنتها وهي على ذمتك ، وتعرفت على امرأه أخرى وتزوجتها ولم تتسامح معها ، ولم تغفر لها شيئا ، من بل كنت تقاطعها وتهجرها كل مره بالشهور ، فكانت النتيجة الطبيعية أن تطالبك بالطلاق وتظلم ابنتك كما ظلمتها . حاول أن تقنعها بالعودة إليك ، قد ترفض بسبب زواجك الثاني وقد ترفض إعطائك فرصه ثانيه ، في جميع الأحوال من المهم ان تعطيها نفقة ابنتك بانتظام وان تعاملها باحترام وتتفق معها على كل ما يتعلق بابنتك.