كيف أجعل علاقتي بسلفاتي رسمية

كيف اجعل علاقتي بسلفاتي رسمية انا متزوجه ومن اول ما تزوجت عشت مع اهل زوجي لحالي وكل وحده من سلفاتي معاها بيت مستقل واحده منهن قريبه جدا من بيت عمي لدرجه انها تجي وتروح كثير كان البيت بيتها اكل شرب ضيافه انا كنت عادي جدا معاها وتقوت علاقتنا لدرجه كنا نخرج سوى نلبس سوى عاملتها بكل طيب حتى بيت اهلي لمن ازورهم كنت اخذها معاي نعتبرها وحده ممنا لأن اهلها ما كانو موجوديم بنفس المنطقه كنت ارحمها كنت اشوف وحده من سلفاتي تجي بالبيت بس لمن اقلها نروح عند فلانه ما ترضى كنت استغرب بعدها وهي ما تتكلم عنها بشي ايام ايام الى ان استوى اول موقف صدمني منها انها تتكلم علي من وراي وتسبني زعلت زعل ما يعلم فيه الا الله واجهتها وانكرت قالت لي سلفتي عرفتي الان ليش انا بعيده لأن عرفتها قبلك وعرفت كيف اهي قلتلها طيب ليش نبهتني قالت ما حبيت اتدخل خليتك تشوفي بعمرك عشان تتاكدين طلعت ممثله بارعه مصلحية فوق المعقول تاخذك لحم ترميك عظم وموانا لحالي اكتشفت صباتها مثير سوت لهم كذا اول ما تخلص مصلحه تدور غيرك عاملتها رسمي واجي يوم تبكي لعندني انها مو كذا وانهم دخلو بيننا بتوصيل الكلام ومن ذا الكرم اعطيتها فرصه بس برضه كنت حذره منها واكتشف ان سلفتي الثانيه برضه توصل كلام لها وتجيب كلام لي وان الكل عصابة القيل والقال انا ما احب المشاكل وبصفتي اني في بيت عمي طبيعي ما يجو يزورن ام زوجي وابوه انا ما احب اختلط معاهم حتى بيوتهم ما اروحها الا في الشي الضروري احب ابتعد عنهم اعاملهم رسمي بس ايام العيد بيتجمهون عندنا اسبوع العيد اكل وشرب لليل وكل واحد يروح بيته القصد كيف اتعامل معاهم بذي الفتره صعب احبس نفسي في غرفتي والبيت بيتي وما احب اختلط فيهم من عمايلهم والقيل والقال نتكلم بشي عادي يحولون الكلام غير لصالحهم كيف اتصرف معاهم.

اهلا بك يا ابنتي ومن الجيد ان عرفت ان واحدة تنقل لك كلام عن الاخرى وانت ضعت بينهن وهذا درسا لك ان لا تكرري هذه الامور وتعرفي حرمتها الشرعية، وبالطبع لا يجوز ان تنعزلي في غرفتك وتتركي البيت فهو لك مع اهل زوجك وانت لك فيه حصة مثلهن، وصدقيني اللطف والادب والاخلاق العالية لن تمنعك من التعامل معهن ببشاشة وهدوء ولا تسمحي باي نميمة ولا استغابة ولا تشاركي في مجلسهن بهذه الاقوال أو الافعال وقوليها صراحة، قولي لهن صراحة انك لا تريدين ان ترتكبي معصية، وانت كوني ذكية بادارة الحديث في امور لها علاقة بالاولاد والتربية واخر مقالة او وصفة طعام او ما شابه، كوني ذكية وتحدثي طبيعي واحترمي اهل زوجك لاجل زوجك ولكن لا تقحمي نفسك باي امر واعتذري عن اي تدخل خاص، ترفعي فوق هذه السلوكات السلبية، ولكن لا تنعزلي ضعي لك حدود واعرفي كيف تواجهين وكيف تقولين لا، واحفظي امور بيتك الخاصة في غرفتك واقفليها وكوني هادئة والمهم ان تكوني عادلة في المعاملة مع الجميع لاجل راحتك انت وربي يوفقك.