زوجتي ضربتني وفعلت كل شيء لا يصدق وأفكر بطلاقها

المشكلة : السلام عليكم، انا مصري واعيش في اسبانيا تزوجت من مصر وعملت ورق استقدام لزوجتي. في البداية خطوبتنا دامت ٣ شهور ثم تزوجت وسافرت وتركتها ف مصر ٦ شهور عقبال م اخلص اوراقها. خلال ال ٦ شهور حصلت مشاكل بينها وبين والدتي. اول ما جت معايا اسبانيا لقيتها حد تاني غير اللي انا كنت خاطبة علما باني بقالي ١٠ سنين ف الغربة بس بترد الكلمة بعشرة وحتي تشتم وضربتني. اول يوم لها ف الغربة. رميت عليها يمين الطلاق بسبب عنادها وعدم طاعتها لاننا كنا متفقين علي شئ وأول م جت خالفت الاتفاق وقعدت تصوت في الشارع. بعدها بأسبوع كنا نتكلم وصارت ترد عليا قلت لها انت قليلة الأدب وردت ثم انت تربية شوارع وصارت تضربني مرتين فرميت عليها اليمين التاني. اهلي اتدخلوا وقالوا لي ابقي عليها وردها وحصل. وللأسف بقيت حامل ثم حدث خلاف تاني ووصل للشرطة وكنت ف الطريق للسجن بس تنازلت بعد ما اتحايلت عليها وعيشت معاها زي الهدامة وعيني مكسورة وقالت لي متزعلش مستحيل اعمل كدا تاني وللأسف بعد أسبوعين وبدون اي شئ فقط إنها طلبت الطلاق ف المحكمة ف القضية الأولي وأنا قولت لها افضل شئ نتطلق تاني يوم راحت للشرطة مرة اخري وقالت اني ضربتها فنمت ف السجن ٢٤ ساعة وتاني يوم المحكمة حكمت لي انا بالبرائة وهي تركت البيت وراحت مساكن الإيواء جلست يومين واتصلت بيا روحت جبتها وبعد أسبوعين مع بعض رجعتها مصر. دلوقت هي تكلمني وتقولي ان اللي حصل ده غصبن عنها وأنها ندمانة انا كان هيتحكم عليا بحوالي ٥ سنين لولا انها تنازلت في قضية شروع في قتل وللأسف الجارة مغربية وشهدت ضدي ويعلم الله اني ما هددتها ولا اي شئ. دلوقت هي تقول كل هدفها ان الولد يتربي ما بينا وأنا صيرت طبعا خايف من بعد اللي صار بانها كانت تدمر مستقبلي ودلوقت تقول لي رجعني وأنا هبقي خدامة تحت رجلك. القانون هنا بيخدم المرأة بنسبة ٩٩٪؜ وغالبا مش بيهتموا بالرجل. أجيبها تاني واعيش وتوكل عالله بعد ما حاولت سجني مرتين ولا كفاية كدا واخليها ف مصر ولا اطلق؟؟؟؟

الحل : شكرا لك سيدي على ثقتك بموقع حلوها . تصرفات زوجتك غريبه جدا وقد فقد الاحترام بينكما ووصلت بكم الحال الى الشرطة وذهابها للمأوى وانتهت المشاكل بعودتها الى بلدها . الافضل لك أن تتركها في بلدها ولا تعيدها حتى لا تتدهور أوضاعكما من جديد وتنتظر ولادتها لعلها تكون قد استوعبت سوء تعاملها معك وتتفق معها مسبقا وقبل عودتها على كل ما كان سببا في اختلافكما في الماضي . لا بد لها أن تفهم طريقه التعامل الصحيحه مع الزوج والالتزام بالأدب وحسن التصرف إن كانت حقا نادمه على تصرفاتها . ستغامر مره أخيره معها من أجل طفلك ، تنبه لكل تصرف تقوم به كي لا تغدر بك مجددا ووثقه ، فإن أثبتت صدق نيتها وعاشت معك بسلام كان به وإلا فلا يبقى لك مع الأسف سوى الطلاق.