هل ستتغير زوجتي أم سأكون كالذي يحفر في الصخر؟

زوجتي لا تطيعني .. في يوم عدت من العمل مرهق كعاده كل يوم لا القي الاستقبال الذي يليق برجل من عائد من عمله .. وزوجتي تتحدث في الموبيل كعادتها مع اهلها ولا يعتبرون أو تعتبر هيا أن زوجها عاد من العمل .. كان ابني يعاني من دور برد .. كان اخر الشهر ولا يوجد مع أموال كثيره زوجتي تعمل ومعها نقود كنت سااخذ سلفه من العمل كي اكشف لابني عند الطبيب وقالت زوجتي لي يوجد مال معي كلها يومين وهنقبض ..المهم .. كنت قد اتفقت مع زوجتي اني لا احب اعياد الميلاد .. انها بدعه وان أحببنا نعمل شئ نفرح بيه اولادنا نجيب تورته وحلويات علي قدنا كده ونهيص احنا واولادنا .. قالت لي أصل ماما وبابا وخالي . قلت ليها طيب هنعمل عيد ميلاد اولادي الاتنين سوا .. وهتبقي اخر مره عشان خاطرك عشان مش تكوني زعلانه وفي نفس الوقت عرفيهم أن خلاص كده مش هنعمل كده تاني .. في عيد ميلاد زوجتي وبنتي كنت في اسكندريه في اجازه جبتلهم تورته علي البحر وكنا مبسوطين احنا التلاته .. بس اهلها اضايقو ولما جيت من اسكندريه جم وجابو تورته عشان يضايقوني مخصوص وعلي الرغم من كده استقبلت الموضوع بالرحب والسعه .. مع انهم لا يهتمون بالمناسبات الدينيه .. كالاعياد أو بدايه رمضان .. المهم .. نرجع لبدايه الموضوع .. عدت من العمل لقيت زوجتي بتقول ابنتي هنعمل عيد ميلاد وتجيب تورته ونهيص ونغني . وتجيب مش عارف مين ومين .. بعد ما خلصت كلامها قلت ليها زي مااتفقنا .. يازوجتي تجاهلت كلامي .. فكررت كلامي مره اخر فتجاهلته قلت ليها مينفعش اتكلم ووتجاهلي كلامي .. قالت ليا كده كلام ميتردش عليه .. قلتلتها احنا اتفقنا هعمل الي جاي عشانك وعشانهم وبعد كده يبقي علي قد اسرتنا بس .. قالتلي خلاص يبقي نعملو في بيت بابا .. قاتلها يعني أقوالهم انا انا عملت المره ديه عشانكم بس بعد كده بقي خلاص عشان الحاجات ديه بدعه وكده .. قالت لا اياك تتكلم معهم كده .. ولا تقول كلمه تصايقهم .. لو قلت كده الي هيتكلم معايا من أهلك في حاجه هديله بالشبشب علي دماغه . قلت ليها عيب واتكلمي كويس ووطي صوتك .. متنرفزنيش .. صوتها علي تاني .. قلت ليها خلاص ياستي وانا لو حد من أهلك شوفته ليدخل في حياتي أو حاجه متخصهوش هديله علي دماغه بالجذمه .. فقدت اعصابي غصب عني نرفزتني .. فضلت تتكلم بصوت عالي .. وانا اقولها وطي صوتك عيب الشباك مفتوح ورحت جنبها قفلت الشباك .. امي تسكن في الدور الي تحت . مش حابب انها تسمع .. فقامت زوجتي بدفعي .. وقلت ليها عيب كده ومسكت ايدها قلت ليها متمديش ايدك عيب انا مش متجوز واحده من الشارع فدفعت يدي وشتمتني .. وضربتني بالقلم .. فقلت ليها انت مجنونه انت مهزءه انت انا لو مديت أيدي عليكي هموتك اتصل باباكي دلوقتي .. وسيبتها ومشيت .. احاول اهدي عشان ابني المريض وعشان بنتي متشوفناش بالمنظر ده وانا بلبس لقيتها بتقولي ايه هو انت معاك فلوس تروح تكشف علي ابنك .. انا والله ماهديك حاجه من معايا .. قلت ليها هتصرف .. لبست ونزلت اخد من امي .. فاضل يومين واقبض ..وقالتلي ايه هتستلف عشان تكشف علي ابنك في راجل مش معاه فلوس يكشف علي ابنه .. اتقهرت وحبيت دموعي قلت ليها عديني وانا نازل قالت استني عاوزه اشوفك وانت بتمد ايدك لامك .. قاتلها امي ياما استلفت مني وابويا واحنا بنبي البيت مش عيب اني اخد منها غ. هيا تاخد مني .. نزلت لامي راحت نازله ورايا انا بنادي علي ماما راحت قائله لامي معلشي ياماما اديلو فلوس عشان مش معاه يكشف علي ابنه .. كنت هموت ومسكت دموعي ونزلت وكشفت علي ابني .. وانا رجع كانت امي بتتكلم في التليفون قالت ليها اسالي الي بتكلميها هو ابنك بيستلف عشان يكشف علي ابنه ... انا بصرف مرتبي كله علي البيت وانا الي شايل البيت بروح السوق واجيب احتياجاته . هيا مرعبها الي معرفوش كام اصلا .. فيزا كارت مع باباها هو الي بيقبض ليها .. وداخله بنص المرتب جمعيه وشيلها مع باباها باردو .. والنص تاني لتشارك بنصه ونصه تاني بتصرفه وبتتكلم تقول أنا يشارك في البيت امال مرتبي بيروح فين .. انا تعبان ومقهور ومش عارف اعمل ايه ويفكر في الطلاق قدموا لي النصيحه .. أو حد يتواصل مع خاص تحميله باستفاضه لاني معنديش الحكيم الي يفدملي النصيحه

لقد تمادت زوجتك في قله أدبها واستخفافها بك واستعملت ألفاظا سوقيه في الحديث عن أهلك ، وأحرجتك وأحرجت والدتك بشكل غير مقبول حين احتاجت للمال من أجل الكشف على ابنك ، الذي هو ابنها ولم ترضى أن تساعدك . يجب أن تغير أسلوبك معها وتكون أكثر حزما من غير أن ترفع صوتك عليها ولا تهينها ، اكد لها في أن احترامك هو أهم شرط للبقاء معها ، الفت نظرها بهدوء الى ما يزعجك كاستقبالك عند عودتك من العمل وكلامها الطويل على الهاتف . أما بالنسبة لأعياد الميلاد فلا بد لها أن تراعيك ولا تتحداك فيما أنت غير مقتنع به كما أن قبولك باحتفال بسيط ضمن العائلة يدخل البهجة الى قلب الأولاد . حاول أن تحتفظ دائما بمبلغ للطوارئ كي لا تتكرر معك حادثه حاجتك للمال واضطرارك لطلبه من زوجتك أو والدتك . احسب لها بالورقة والقلم ما تنفقه على بيتها من راتبها كي لا تدعي أنها تنفق راتبها بالكامل وحدد لها الأمور التي هي مسؤوله عنها في المصروف . الحوار الهادئ والالتزام بالأدب في الكلام ضروريان للمحافظة على الاحترام بين الزوجين ، فالاحترام المتبادل بين الزوجين شرط أساسي ، بغيابه تضيع كل القيم ويضيع حتى معنى الاستمرار بالزواج .