أهلي يفرقون بيني وبين أختي بسبب لون البشرة

انا فتاه عمري ٢٢ من لما كنت صغيره واهلي يفرقوا بيني وبين اختي مو بس اهلي كل الناس كونه انا سمرا واختي بيضا كتير لدرجه سببت ليه عقده كبيره فقدت ثقتي بنفسي وكنت دائما بشوف أنه اختي اعلى مني بكل شي حتى بالتوجيهي كانوا اهلي فاقدين الأمل مني لحد ما نجحت وجبت معدل عالي ودخلت الجامعه وتخرجت ب٤ سنين مع أنه تخصصي ٥سنين كانوا اهلي فرحانين قدامي بس لانه اختي ما تخرجت مع انها اكبر مني وصلت ٦ سنين لانه كانت ترسب بمعظم مواد الجامعه كنت حس اهلي بخبوا عن الناس نجاحي لحتى يغطوا عن اختي يعني ما كانوا يفشلو اختي كنت اعاني من وانا صغيره من ظلم من اهلي كانت اختي المدلعه وانا الشغل علي كنت انضرب كتير منهم امي كانت حنونه علي شوي وتحاول ما تبين التفرقه بيني وبين اختي بس كانت تضربني أكثر ومعاملتها مختلفه الي عن اختي بعد هيك تعرفت على شاب وحبيته وعوضني عن كل حنان اهلي لانه ابوي طول عمره شديد عمره ما حسسني باني بنته كنت احس أنه بستعر مني قدام الناس حتى لما كانوا يجي خطابين لأختي وترفض كان ابوي ما يحكي عني لانه عارف أنه ما رح أعجبهم أو خجلان يعرفهم علي اجى الشب خطبني اهلي كانوا شديدين معه لانه انا درست هندسه وهو دارس كليه وعسكري مع أنه انا كنت راضيه لانه الشب بحبني وشاف جمالي بس حاليا بعاني كمان من اهلي لانه يفرقوا بين خطيبي وبين خطيب اختي لانه خطيب اختي دارس متلها وكمان قرايبنا شو اعمل مع اهلي

اهلا بك يا ابنتي ولا تعملي اي شيء، بل اثبتي لهم انك انسانة ولك قيمتك، واخشى ان هذا الامر تغلغل في عقلك الباطني وتشربه فهززت ثقتك بنفسك وقللت من قيمتك وهذه كارثة، اسمعيني جيدا لا يجوز ان تععلي في الماضي فالامر انتهى ولون البشرة لا علاقة له بقيمة الانسان ولك الان ان تتجملي وتظهري احلى ما فيك وتتفوقي وتعملي وتدعمي زوجك وتشدا ساعدكما سوية ومعا وتشقا طريق الحياة، ركزي في حالك وفي حياتك وفي مستقبلك ولا تفكري ولا تنظري الى اي اتجاه اخر حتى لا تسقطي بل انظري في طريقك وحياتك انت، ولا عليك من اي امر اخر، واياك ان تكرري هذه الكلمات الخاصة بالمقارنة لانها ربما تكون اوهام وناتجة من شعور نقص في حياتك ودوما انت تكلمي عن نفسك وعن نجاحك وعن خطيبك وعن روعته ولا تشعري اهلك انه اقل وشجعيه على ان يظهر دوما امام اهلك في احلى منظر وافضل سلوك واجعلي الحب عامر بينكما وكوني ايجابية وتذكري انهما والديك وهذا كان مقدار علمهما فربما تصرف باي امر عن جهل بدون شك فلا تتاثري واحملي التجربة الايجابية لمستقبلك ان لا تقارني ولا تميزي بين اولادك وربي يوفقك.