يقول لي اطلبي أي شي غير المال

انا متزوجه من سنه ولست موظفه واعرف ظروف زوجي جيدا عشان لحد يقول ماتدرين وش اللي عنده ،زوجي يعطيني مصروف قليل جدا يقول هذا مصروف اشتري الملابس اللي تبينه ، والمشكله المصروف مايجيب لي طقم ابدا مره قليل بشكل ماتتصورونه ، لكن هو يدفع لوناسته من ايجار استراحه ومن مؤونه للاستراحه اكل وشرب لاصحابه ، ويشهد علي ربي اني حارمه روحي من الطلعات مع صحباتي ومع اهلي بسبب هالشي اذا طلبت منه يقول اطلبي اي شي غير الفلوس ،مقدر اطلع وانا مامعي مبلغ معين انبسط فيه مابي صديقاتي يصروفون علي ولا ابي احد يتكلم عن زوجي انه مايعطيني ، حتى يدي صايره ناشفه ورجلي اعاني من تشققات ماني قادره اشتري حاجيات عشان اشيلهم ولا قادره اروح للصالون اعدل نفسي ، انا ما اناظر للي حولي لكن كم مره خواتي يحجزون صالون بالبيت ويبوني اجي معاهم لكن اعتذر واقول ماني فاضيه وانا مشكلتي بالفلوس مامعي بوكي وصرافتي دايم فاضيين مافيها شي ، تكون اشياء بنفسي مقدر اشتريها ولا اقدر البس ملابس جديده ، حتى للعيد ما اشتريت ملابس بسبب المصروف قليل مايجيب قيمه ملابس ولا جزمه ، البس القديم اللي عندي من ايام جهاز زواجي ، وش الحل برايكم ، للعلم حاله زوجي الماديه ممتازه ، يصرف على اللي حوله لكن مقصر معي بالمصروف

أنت بحاجه ماسه للمال كما يبدو من كلامك ، فأنت تفتقدين الأشياء الأساسية التي تحتاجها كل امرأه ، للاهتمام بنفسها وبشكلها ، فحتى ملابسك من وقت جهازك . لو كان زوجك يعاني من ضائقه ماليه لكان من واجبك الصبر عليه والاقتناع بما يستطيع تقديمه لك ولكنه يملك المال وينفقه بسخاء على أصدقائه أي أنه يبخل عليك فقط. طالبي بحقك ولا تسكتي ، استعملي كل الطرق، كلمي أهله ، اصري على طلبك ، فهذا واجبه نحوك ولا يستطيع التغاضي عنه . من ناحيه أخرى ، ابحثي بجديه أكثر عن عمل ، حتى لو من داخل بيتك ، لتحرري نفسك من حاجتك إليه وتحققي ما تتمنيه من عنايه في مركز تجميل أو ثياب تفرحين بها وتجددين بها طلتك