إابنتى اكتشفت خيانة أبيها

المشكلة:هستغنى عن مشاعر كزوجة وهتكلم بمشاغر ام انا والدى مصرى والدتى من جنسية مختلفة محصلش نصيب بنهم وانفصلوا و والدى تزوج وامى تركتنى مع والدى اتربيت معاه وبصراحه زوجته كانت ومازلت وستظل امى تزوجت من رجل فاضل وانجبت ٣ اطفال الابن الاكبر طيار وبنت بتدرس طب بشرى وابن مازال فى الثانوية العامه شهر ١٠ اللي فات عرفت ان والدتى صحتها متدهور سافرت ليها وفضلت مقيمه معاها لغاية شهر ١ واتوفت ورجعت تانى مصر وكنت متأثرة جدا بوفاتها . بنتى لديها صديقة مقربة اكتر من اخوات اصدقاء من ٢٠ سنه وبتيجى تبات عندنا كتير يعتبر متربيين سوا لما رجعت بنتى حكتلى ان صاحبتها تصرفاتها متغيرة وفعلا لاحظت ان البنت فعلا تصرفاتها متغيرة واصبحت تتعمد الخروج بشعرها والبيجامه قدام زوجى والاولاد للعلم ان بنتى وصديقتها محجبين وبعدين يوم 19/1 بنتى رجعت منهارة وفضلت تتخانق مع والدها وتقولوا ازاى قدرت تعمل كدا ازاى وعرفت ان زوجى وصديقة بنتى على علاقة ببعض والبنت استغلت غيابى وقربت من زوجى اللي المفروض فى مقام والدها العلاقة نشأت بعد ما سافرت كلام حب وكدا مش اكتر البنت هى اللي قربت وزوجى فضل اكتر من مرة يبعدها بس غصب عنه ضعف وانجذب ليها بنتى فضلت منهارة كام يوم وانا اتخليت عن مشاعرى وغضبى عشان بنتى واللي شوفته معاها وقد ايه الموضوع مدمرها ورفضت الاكل كام يوم وبعدين فضلت اصبرها واقولها باباكى غلط بس مينفعش اللي بتعملية قالتلى مش هقدر اقعد فى البيت اكتر من كدا عايزة اروح لجدو وتاتا وخالو تقصد والدى و والدتى وفعلا سمحت ليها راحت هناك شهر كدا ورجعت تانى البيت من اسبوع ومن ساعه ما رجعت وهى مفيش على لسانه كلمت غير انا هشتغل واصرف على نفسى قولتلها يا حبيبتى لو مش عايزة فلوس من بابا تقدرى تاخدى فلوس من اخوكى واخوها سبلها الكارد بتاعه وقالها اسحبى فلوس زى ما تحبى وشيلى من دماغك الكلام الفارغ داه هى كانت بتحب والدها جدا ومتعلقه بيه اكتر منى بس من يوم اللي حصل وهى اصبحت كارهه نفسها هى حتى رافضة تكمل أمتحاناتها وحتى هى كانت بتحب شاب واتقدم لينا بس لسه هيتخطبوا فى الاجازة راحت كلمته وقالتله كل شئ قسمه ونصيب ومصممه انها تسيبه والولد كلمنى وبيقولوا انا معملتش حاجة يا طنط وانا مش هتخلى عنها وبحبها هى بعدت عن كل الناس واصبحت انطوائية بطريقة تخوف للعلم زوجى ندمان وانا سامحته والاولادى مسامحينه بس بنتى رافضه حتى انها تبص فى وشة

الحل:انتي امرأة عظيمة وعاقلة ولديكي خبرة وتعلمي جيدا ان زوجك مثل أي رجل ضعف تحت تأثير فتاة صغيرة تقول له انها معجبة به وهذا امر طبيعي ومتوقع يجب ان تحكي مع ابنتك بواقع هذه الخبرة وتعطيها اول درس في حياتها ان لا يوجد رجل سيرفض امرأة وخاصة لو كانت جميلة صغيرة، وهي راح تفهم مع الوقن وبعد ما تتخلص من الصدمةوكوني حمامة السلام بينها وبين هذا الشاب فهو ليس له ذنب بنتك اصبحت تشك في كل الرجال وهذا هو ياللي تعابها و كرهها في كش ئ واولها في ابوها وهذا الشاب فهي ترى كل الرجال خائنين