زوجة صديق زوجي أوصلتني للطلاق

كنت بجب شاب واتجوزنا ومكنش فيه مشاكل تذكر حتى حماتى كانت بتحبنى جدا جدا واهلى زوجى كلهم بيحبونى طبعا مفيش بنت بتتمنى حاجة بعد حب زوجها غير ان حماتها تكون بتحبها وداه شئ كان مخلينى اقول خلاص علاقتنا هتنجح واتجوزنا وحياتنا جميلة وبعدين سافرنا امريكا عشان شغلة وهناك عرفنى على زوجات اصدقائه وقالى هتحبيهم وفعلا اول شهرين سفر كنت بقابلهم ونقعد سوا ونتكلم بس للاسف مواضيعهم كانت مختلفة جدا عنى اغلبية الكلام عن العلاقة الزوجيه والكلام داه ياريت مثلا بحدود بالعكس كلام كبير جدا بقيت بتجنب الحديث داه بقوا هما يتكلموا عن زوجى بشكل مزعج زى مثلا هو مثير وعلاقتك معاه عاملة ازاى وكلام كبير جدا مع انهم متزوجين صحابه واتفاجأت انهم ممكن يشغلوا فيلم اباحى ويتفرجوا عليه سوا وتعليقات سيئه جدا وطبعا حرام وانا مسلمه وهما اخدوا عنى فكرة مراتك معقدة ومستحيل كنت احكيلة السبب الاصلى وبدأت اقوله معرفناش نتأقلم سوا وهو متعود يتقابل مع صحابة ويسهروا سوا وبقيت اقعد فى البيت لوحدى وفى نظره انا اللي غلطانه المشاكل هنا عرفت طريقها لحياتنا كنا بنتخانق يوميا لغاية ما طلبت نرجع مصر رفض وقالى قدامى لسه اربع شهور على ما نرجع وزعل جدا ان عايزة اسيبه وارجع بس مش سافرت وفضلت معاه بس بقينا كل ما نتخانق يقولى ارجعى انتى انا مش هجبرك تفضلى جمبى ادام عايزة ترجعى علاقتنا بقيت متوترة جدا ورجعنا مصر وهنا قرر يسبنى وقالى انا سايبلك حرية الاختيار ترجعى معايا ولا تخليكى فى مصر قولتله هفضل فى مصر بس بعد ما سافر بيومين مقدرتش افضل بعيدة عنه وسافرتله مكنش سعيد بسفرى بالعكس كان مفكر ان اهلى واهله هما اللي اجبرونى اسافر وفضلنا ٣ شهور علاقتنا متوترة وقولتله لو هتفضل حياتنا كدا يبقى افضل الانفصال وفيه بينا شئ من الاحترام كان مصدوم جدا وانا مكنتش اقصد هى كلمة طلعت ساعة غضب وبعدين فضلنا يومين مبنتكلمش نهائى وبعدين لقيته بيقولى هننزل مصر الشعر داه نطلق انا فكرت انها كلمة وانتهت بس فعلا نزلنا مصر ورجعنا احنا دلوقتى فى بيتنا والمفروض انه هيعرف اهله واهلى وهنطلق الاسبوع داه صدفة موبايلة رن بفتحه اشوف مين اتصل لقيت الموبايل اخر حاجة كان مفتوح على شات بينه واحد اصدقائة وبيقوله ان مراته حكتلة ان كنت بتكلم عن زوجى بصورة مش كويسة عن العلاقة وكلام سئ جدا وان مش سعيدة فى جوازتنا عشان كدا بطلب الطلاق وان هو مش راجل كلام غاية فى قلة الادب والوقاحه صديقة اللي بيقولة كدا مش قاصد يوقع بينى انا وزوجى هو بيقوله شوف حل اذا كنت تروح لدكتور وتتعالج بدال ما تطلقوا اقدر دلوقتى اقول فهمت سبب غضبة منى انا مخنوقة ومش عارفة اخد قرار هأكد على اهم شئ كلام زوجة صديقه كذب من اول حرف لاخره وانا دلوقتى حامل فى شهرين وزوجى قالى انتى وابنى من مسؤليتى لاخر لحظة فى عمرى مش معنى الانفصال ان بنكره بعض او نكره الطفل فى حد فينا لازم يبقى بينا احترام لو على الاقل علاقتنا فشلت بس مش هنفشل كأب وام

أنت بإمكانك أن ترجعي علاقتك مع زوجك كما كانت وأفضل،اهتمي بنفسك وتقربي من زوجك واهتمي به وقولي له أنك تحبينه وتريدين أن تعيشي حياتك معه ومع طفلكما وأنك لم تقصدي ما قلتيه أبدا وأخبريه أنك لا تحبين الجلوس مع زوجات أصدقائه لأن حديثهن لا يعجبك وانتهى الأمر وأخبريه أن ما قالته زوجة صديقه غير صحيح وانكري بشدة ،لابد أن تتكلمي مع زوجك بهدوء وتخبريه كل ما يضايقك لتصلا الى حل ، الطلاق ليس حلا ،ابقي مع زوجك ولا تبقي في مصر لوحدك فقد يتزوج عليك واحدة أخرى أو يتخذ خليلة ،فلا تكوني عونا للشيطان عليه