المقادير
24 x عدد جبنة كيري (مكعبات)
3 x معلقة كبيرة زبدة
3 x معلقة كبيرة عسل نحل
1 x برطمان كريز (مسكر)
1 x كيس جيلاتين بودر
1 x باكو بسكوت (دايجيستيف كبير)
1 x كوب كريمة مخفوقة
½ x كوب ماء (ساخن)
½ x كوب مربى (كريز أو أى نوع آخر)
½ x كوب سكر
½ x كوب زبادي
الطريقة:
أولا, لازم الجبنة الكيرى والزبدة يكونوا فى درجة حرارة الغرفة, يفضل اخراجهم من الثلاجة قبل عمل الكيكة بفترة كافية
فى الخلاط هنضيف البسكوت والزبدة وعسل النحل ونضربهم كويس جدا لحد ما القوام يتماسك, من 10 ل 20 ثانية
هنجيب صينية بطوق (الجوانب بتتربط وتتفك بمشبك سوستة) وهنضيف خليط البسكوت ونضغطه ونساويه كويس جدا بمعلقة خشب مسطحة.
هندخل الصينية الثلاجة لمدة ساعتين علشان البسكوت يمسك كويس جدا ويشكل قاعدة متماسكة.
هندوب كيس الجيلاتين فى نصف كوب ماء ساخن ونسيبه يبرد.
بعد كده فى بولة كبيرة هنضيف مكعبات الجبنة الكيرى ونضربها كويس بمضرب كهربائى لحد ما يصبح قوامها ناعم.
هنضيف الزبادى والسكر ونضرب تانى بالمضرب الكهربائى لحد ما الخليط يتجانس.
هنضيف الجيلاتين ونضرب كويس جدا
فى الأخر هنضيف الكريمة المخفوقة وهنقلبها يدويا بالمعلقة لحد ما تختلط كويس بالجبنة.
هنصب خليط الجبنة فى الصينية على البسكوت ونساويه وندخل الصينية الثلاجة مرة أخرى ولمدة 6 ساعات.
بعد كده فى طاسة على النار هنضيف المربى والكريز بعد تصفيته من الشراب وهنقلبهم كويس لمدة 3 دقائق وبعدين نسيبهم يبردوا
هنزين وجه الكيكة بالمربى والكريز وهنشيل الطوق بتاع الصينية وكده ال تشيز كيك جاهزة للتقديم.. بالهنا والشفا
قد يهمك أيضا:
GMT 12:13 2020 الإثنين ,20 تموز / يوليو
تعرفي على كيفية تحضير ماربل كيك بالبرتقالGMT 12:07 2020 الإثنين ,20 تموز / يوليو
أبرز طريقة لعمل الكريب الحلو بالوصفة الأصلية تعرفي عليهاGMT 15:30 2020 الأحد ,19 تموز / يوليو
تعرفي على طريقة عمل ومقادير "كيك الموز" بالقرفةGMT 13:52 2020 الأحد ,19 تموز / يوليو
تعرفي على طريقة تحضير حلى "الشوكولاتة الداكنة" بالقهوةGMT 23:25 2020 الجمعة ,17 تموز / يوليو
تعرفي على طريقة إعداد وتحضير حلى التوفي البارد Maintained and developed by Arabs Today Group SAL
جميع الحقوق محفوظة لمجموعة العرب اليوم الاعلامية 2020 ©
Maintained and developed by Arabs Today Group SAL
جميع الحقوق محفوظة لمجموعة العرب اليوم الاعلامية 2020 ©
أرسل تعليقك