طريقة إعداد طاجن فاصوليا خضراء باللحمة

الكمية تكفي
6 فرد

وقت التحضير
25 دقيقه

وقت الطهى
60 دقيقه

المقادير
_ كيلو لحمة مقطعة مكعبات .
_ كيلو فاصوليا خضراء .
_ معلقة او معلقتين زيت زيتون .
_ صلصة طماطم متسبكة .
_ فلفل اسود .
_ بصل مفروم .
_ ثوم مهروس .
_ ملح .
_ ورق غار .
_ توابل لحمة .

التحضير
نغسل الفاصوليا ونقطعها
ونعصر الطماطم
ونغسل اللحم جيدا

الطهى
_ نضع حله على النار ونضع فيها الزيت والبصل والثوم ونشوحهم لحد ما يصفر البصل .
_ بعد كدا نضيف اللحمة ونشوحها مع البصل و الثوم
ونضيف الفلفل وتوابل اللحمة وورق الغار ونوطى النار عليهم جدا ونغطيها ونسيبها
على النار 20 دقيقة ونتابعها اول وباول وكل شوية نقلبها .
_ بعد كدا يا حبايبى هنضيف الفاصوليا بتاعتنا ونشوحها معاهم لمدة 10 دقايق وطبعا نغطى عليهم
_ بعدين هنضيف الصلصة ونقلبها
_ بعد كدا هنضيف الملح ونضيف 2 كوب ماء ونغطيها ونسيبها تاخد غلوه .
_ وبعدين هنقلبها فى طاجن وندخلها الفرن لحد ما تستوى