مها أحمد تستعيد ذكريات زفافها برسالة عاطفية لزوجها

استعادت الفنانة المصرية مها أحمد صورة قديمة التقطت لها ولزوجها الفنان مجدي كامل في يوم زفافهما وظهرت فيها وهي تقف إلى جانبه بثوب الزفاف.

ووجهت إليه من خلالها رسالة مطولة جاء فيها: "طول عمري كنت بحلم إن ربنا يكرمني ويكون من نصيبي شاب ابن حلال وطيب وحنين وشهم وجدع وأهم شيء يكون بيحبني ويحطني جوه عنيه. الحمد لله رب العالمين اني من أول يوم دخلت فيه المعهد وبديت تحقيق طموحي الفني ربنا رزقني بالهدية اللي كنت بحلم بيها وهي انت، من أفضل وأجدع شباب المعهد، كل البنات تتمنى نظرة منه لكن ربنا أراد إنك تختارني وتحبني وتراعي ربنا فيا".

وأضافت: "وأنا بقلب فالبوم ذكرياتي الجميلة افتكرت كل كلمة حلوة قلتهالي، كل طبطبة طبطبت فيها عليا، كل حب كل حنان طول فترة زواجنا كنت صاحبي وأخويا وأبويا واستاذي وابني. عمرك محرمتني من حاجة، كنت سخي فكل حاجة. ربنا يخليك ليا ولولادك".

وتابعت: "يمكن الظروف الصعبة اللي مرينا بيها عمرك محسستني إن الحمل تقيل عليك رغم اني عارفة انه تقيل وتقيل قوى بس انت قد كل صعب، زوجي وافتخر. النجم المكافح المحترم المحبوب حبيب الملايين مجدي كامل".

وختمت: "أسفة طبعاً إني أقول القاعدة مدة طويلة فالبيت. أعتقد إنها مصلحة لكل زوج وزوجة يطلعوا ألبوم ذكرياتهم ويحاولوا يسترجعوا أحلى أيام العشرة الطيبة, يمكن لو عملنا كده ربنا يهون علينا ويفك كربنا ويبعد البلاء. بسم الله ماشاء الله ربنا يباركلي فيك ويخليك لولادك ويقويك حبيب عمري نجم النجوم مجدي كامل".

كما ظهرت بعد ذلك في فيديو وهي تقوم بحركات كوميدية برفقة ابنها وحققت أكثر من 163 ألف مشاهدة.

قد يهمك ايضاً:

مها أحمد تعتذر عن بطولة مسرحية "كل ده كان ليه"   

الفنانة مها أحمد تطالب جمهورها بالدعاء لأبنها عبر "إنستغرام"