أفكار ستايلات كاجوال بالبنطال الجينز للمحجبات لموسم شتاء 2020

يجد الكثيرات صعوبة في تنسيق الجينز مع الستايلات والمناسبات المختلفة، ورغم أن البنطال الجينز حاجة أساسية في أي ستايل تعمليه وفي أي وقت في السنة، الا انه احيانا كتيرة بيبقى صعب تختاريه صح خصوصا مع الحجاب، عشان كده في المقال ده هنقولك على نصايح سريعة تختاري بيها الجينز بتاعك وكمان ستايلات كاجوال بالبنطلون الجينز للمحجبات تساعدك تظهري بلوك أحلى وعصري أكتر في الشتاء الموسم ده،  اعرفي أفكار ستايلات كاجوال بالحجاب مع البنطلون الجينز لشتاء 2020

في الأول خلينا نقولك على شوية نصايح عامة وسريعة تساعدك تختاري الجينز بتاعك صح وتساعدك تحافظي عليه:

1- افتكري دايما ان الجينز مع اللبس والغسيل المتكرر بيوسع وبيتمط، فلما تيجي تختاري المقاس مهم يكون الجينز على مقاسك بالضبط علشان لما يريح مايبقاش مقاسه واسع اوي وشكله وحش.

اقرا ايضاً:

محلات "KLOER" تكشف عن تشكيلتها المميّزة لموسم الصيف

2- عشان تعرفي مقاس الوسط مظبوط ولا لاء، دخلي إصبع واحد أو إصبعين أسفل الجزء الخلفي من منطقة الحزام، لو عدوا بسهولة يبقى مقاس الوسط مظبوط.
3-  لو كنتي curvy  اعتمدي دايما على الجينز الـ high waist

4- الجينز بيتغسل بمياة باردة فقط.

حسب آخر التريندات اللي ظهرت لموسم الشتاء، بننصحك تجربي الستايلات الواسعة من الجينز مع الألوان الجريئة والواضحة زي الأخضر والأصفر ودرجات الأزرق والبني الفاتحة مع طرح من ألوان النيود وأي ستايل تحبيه من الشوز، شوفي ستايلات أكتر من الجينز مع الحجاب في الصور الجاية عشان تلهمك في ستايلاتك في الشتاء، وقوليلنا إيه أكتر ستايل حبيتيه.

قد يهمك ايضاً:

نصائح للشعور بالدفء مع العبايات في الشتاء منها ارتداء البنطلون الجينز تحتها 

البنطلون الجينز غير المتماثل أحدث صيحة في عالم الموضة