مركز تجميل يحرق يدي طفلة ويشوهها بنار الليزر

«كشفت أم ما تعرضت له ابنتها «حلا»، صاحبة الـ 14 عاما داخل أحد المراكز الخاصة لعلاجات التجميل بمنطقة المقطم، والذي تسبب في إحداث حروق وتشوهات بيدها نتيجة الحرارة الزائدة تحت جهاز الليزر داخل مركز للتجميل.

تكشف «زمزم» عما حدث مع ابنتها داخل هذا المركز، قائلة: «ذهبت ببنتي لجلسة داخل أحد مراكز الليزر في المقطم، وتعرضت يديها لحروق متعددة نتيجة درجة حرارة أجهزة الليزر المرتفعة» مضيفة: «لما حصلت الحروق معملناش أي مشاكل وأخدنا علاج للحروق ومشينا وبعدها اكتشفنا إن العلاج فيه كورتيزون ودا تسبب في زيادة الحروق والآلام في يديها، ولما طلبنا دكتور يشوفها مفيش حد سأل فينا ولا عبرنا، ولما ضغطت عليهم قالوا روحوا فرع المعادي هتلاقوا فيه دكاترة دلوقتي».

و قالت الأم في تصريحات صحفية نقلًا عن "صدى البلد": «روحنا فرع المعادي وادونا نفس الكريم اللي فيه كورتيزون.. ولما ملقيتش فيها فايده روحت مستشفى للحروق والتجميل وطلبوا بوقف كريم العلاج فورا لما يسببه من زيادة الألم» وتابعت: «عرفت بعدها أن المركز دا اتسبب في نفس الحروق لـ 2 صحباتي ومخدوش من المركز أي حق.. وعلشان خاطر بنتي لازم أكمل واجيب حقها وحق كل اللي تضرر من المركز ده».

«وأكدت الأم أن إدارة المركز تدافع دفاع مستميت عن سمعتها وتتحجج أن الحروق من الوارد أن تحدث في أي مكان في العالم، لكنه من غير المستحيل أن تحدث بنفس الكمية التي حدثت من هذا المركز، وأضافة الأم : "والمركز عرض عليا يعالجها رفضت لان ده حصل مع صحباني والدنيا باظت اكتر قلت له أنا عايزة اللي غلط يتحاسب واللي بيحصل ماينفعش وطبعا بيحملونا المسئولية وبيقولوا إن بنتي مالتزمتش بالتعليمات وانا خايفة حق بنتي يروح والموضوع ينام علي كده واللي حصل ممكن يتكرر فقلت اعرض المشكلة في اكتر من جروب علشان اولا الناس تخلي بالها وثانيا تساعدوني".