أحببت شابا وكنت صادقة معه والآن أريد أن أتركه دون أن أجرحه

السلام عليكم ارجوكم ساعدوني فأنا حائره ونادمه ولا ادري وش اسوي انا حبيت واحد وكنت معه صادقه ومحترمته وكنت اخاف اسوي شي يزعله وما أبغى اخونه ابدا او اتركه. وكان يطلب مني صور وارسل له صوتي لكن ما ارسلت له ولاا شي لاني اصلا ما احب اتصور ولا احب ارسل لاحد صور ومره صارت بينا مشكله قال لي انه ما بيرجع لي الا اذا ارسلت له صوره لكن ما ارسلت له و يوم من الايام قال لي انه بيتركني وقتها سالته ليش قال انه عنده ظروف وانه ما بيرسل لي وكنت دايما ارسل له ارسل له كل يوم واتطمن عليه وكنت اعتبره أفضل انسان وكنت اقول له كل شي وما كلمني ابدا وبعدها ارسلت له وعلى طول يطلع ولا يرد كانه يهرب مني وسالته ليش ما يرد ورد علي وقال لي ما 'ابغاك' وقتها انا اعتذرت عن الازعاج وتركني وحظرني وحظرته عشان ما يحسب اني بحزن عليه وجلسنا اسبوعين وكل ذي الأسابيع افكر فيه واحاول انساه واشغل نفسي وما اجلس وحدي واخرج عند اهلي واسولف معهم واسلي نفسي وبعد ما تعودت وصرت بنساه رجع لي ومن رقم ثاني وقال انه حاول يتكلم معي وانه نادم واعتذر لي وقال انه كل ذي الايام يفكر فيني ورجعت له وصاار مختلف ويرد علي بسرعه ويساعدني واعطاني حسابه وكلمه المرور حقه فالجامعه الي يدرس فيها وقال انه بيخطبني لما يخلص الدراسه ويعطيني كللل اسراره ورقم الهويه وسجلتها فجامعته عشان اتاكد انه صادق وطلع صدق رقم هويته وكلمه السر صدق ويرسل لي صور عائلته ويعرفني على اساميهم والمشكله انه طلب رقم هويتي من غبائي رحت اعطيته رقم هويتي، نجلس بالساعات نتكلم ٥ ساعات او ٤ بدوون ملل لكن احيانا اطنشه عشان يشتاق لي ويرسل يرسل بدون توقف،ويساعدني فاي شي احتاجه، وبعد فتره كنا نتكلم وقال لي انه مو اول مره يحب لانه قبل ما يعرفني كان يحب واحده وانخطبت ذي البنت وتركته وقتها انصدمت ومدري وش اقول له والان جاء دوري اتركه ولكني اخاف ان اجرحه لانه قال لي يوم تركته البنت الي كان يحبها انه جلس حزين فتره انا احبه بس ابغى اتركه عشان ديني وعشان اهلي مع ان اهلي ما يعرفون عنا وابغى اعيش لحالي واحقق احلامي ولا اهتم بالحب والخرابيط لكن فنفس الوقت ما ابغاه ينجرح وابغاه يجلس سعيد مع انه جرحني لكن انا اتعامل معه بطبعي ما ابي اسوي مثله ولا ابغى اكون سبب في ايذاء حياه شخص ابدا. اسفه اني طولت عليكم بس ابغى نصيحه كيف اتركه بدون ما اجرحه او اجلس معه؟

اهلا بك يا ابنتي واهم امر موضوع رقم الهوية، اتقصدين الهوية الجامعية يعني رقم تسجيلك طالبة ام هويتك الشخصية ورقمك الوطني؟؟؟ ارجو ان اكون قد فهمت خطأ ولم تعطه رقم الاحوال المدنية وهذا اكبر خطأ اقترفتيه اضافة لكل الاخطاء الأخرى ويبدو انك غشيمة وساذجة فاي شاب يطلب صورة فتاة اعلمي انه لا يحبها ولا يريدها بل يتسلى معها، وكيف تحبينه وهو مجرد تواصل ولا اعرف كيف عثرت عليه، انت الان في مشكلة والبعد بدون جرح وغيره لا ينفع، يجب ان تقطعي العلاقة بتر اي فصل نهائي ارسلي له رسالة وقولي ان وضعك مع اهلك صعب بسبب خيانة ثقتهم بهذه العلاقة وستضطرين ان تنسحبي ، وتمني له الخير واقطعي اي اتصال لك به واشطبي رقمك القديم وتحججي باي امر، وامسحي كل مواقع التواصل الاجتماعي لك، وكوني قوية وان حاول تهديدك برقمك الوطني انكري اي علاقة لك به وامسحي من هاتفك كل امر يتعلق به وتوبي واستغفري ربك وعودي لطريق الحق والصواب واياك ان تخسري اهلك لاجل هذه السخافات وتخوني ثقتهم بك، اعملي على راحة ضميرك واستغفري ربك واكثري من الدعاء ان يسترها الله معك، وتابعي حياتك واياك ثم اياك العودة لهذه القصص وربي يسترها معاك.