اهمال زوجي وصل لحرماني من أبسط حقوقي، فكيف سأكمل حياتي معه؟

المشكلة : السلام عليكم ورحمه الله وبركاته ' عندي مشكله تعاني منها اغلب الزوجات وهي جلوس الزوج على الجوال بكثره ' انا اعاني من هالمشكله يوميا واحس نفسي اثاث بالبيت ' يوم اتكلم معاه بموضوع سواء كان مهم او لا يتكلم معي شوي بعدين يمسك جواله يشغل اللعبه يلعب او على مواقع التواصل ' يعني بنص السالفه يقاطعني ويمسك جواله ' احسه مو محترمي ويكره الجلوس معي معني ما اذيته ابدا بشي 'انا عكسه اذا كان جالس معي مستحيل امسك جوالي وهو موجود عشان مايحس اني مو مهتمه ، ماعمري تحكمت فيه ولا بحياته اخليه على راحته ،مو بس كذا ' يوم اجي اسأله وش حاب تاكل على المساء يكون ماسك جوال ولا كأني كلمته ' بعدها بدقيقه يرد يقول اللي تبينه ويسكت يحب يختصر 'واحيانا مايرد علي ' نفسيتي تتعب واكون محروقه من داخل بسبب تصرفه، مع اصدقائه لا على طول من يتصلون عليه يرد ويسولف معاهم ويضحك ' اما انا لا يلتهي بجواله ويتكلم معي بالقطاره ' وانا متزوجه مالي الا ٩ شهور ' لدرجه صرت اسكت ما اسولف معاه ابدا بسبب تصرفه مابي انحرق اكثر ' حتى وقت ما ناكل ويخلص اكل يقوم من الطاوله ويروح على جواله ' وانا عكسه حتى لو خلصت اجلس معاه لين يخلص ونقوم مع بعض ''وصل درجه ادمانه ياخذ جواله لدوره المياه وانتم بكرامه 'حتى وقت النوم ينسدح على فراشه ويكون على جواله ساعه قبل النوم حتى وقت القياده اذا كان في شي مهم يشغل الجوال ويتفرج وهو يقود واجي اسحب منه الجوال لاننا بغينا نصدم ' قلت وقت القياده مافي جوال .' حاولت كثير معاه بخصوص جلوسه على جواله بس ما استفدت شي وخصوصا اني حامل ومابي حياتي وحياه بنتي اللي ببطني تتدمر بسبب اهمال زوجي لنا ' اخاف بالمستقبل يهملنا اكثر انا وبنتي ومايعطينا حقنا نحس اننا عائله سعيده' حتى تخيلو اطلب منه يطلعني نغير جو نتمشى على البحر يرفض يطلعني لكن هو يطلع لحاله مع اصدقائه ومايحرم نفسه من الوناسه ' حتى من ابسط شي يحرمني من الطلعه ' ونادر اذا وافق ' حتى روحتي لصديقاتي مره كل اربع شهور و اكثر، كل هذا عشان مايضيع طلعته مع اصدقائه ، بس عشان يتخلص مني ينزلني عند اهلي ويروح مع اصدقائه

الحل : شكرا لك سيدتي على ثقتك بموقع حلوها . أنت الآن حامل وقد تكون حساسيتك زائده بسبب التغيير الذي يحدثه الحمل في الهرمونات ، تغاضي عن هذه المشكلة واهتمي فقط بنفسك . مشكلتك هي مشكله معظم النساء في هذا الزمن الذي سيطر فيه الهاتف على الحياه الزوجية وغير عاداتها ومنع التواصل بين الزوجين ، كل مسجون في عالمه الخاص ، لا يشعر بالشخص الآخر ، مشغول عن الحياه الحقيقية بعالم افتراضي . غالبا ما تواجه الفتاه المتزوجة حديثا هذه المشاكل وتحزن لبروده مشاعر زوجها تجاهها وإهماله لها لأنها ربما تحلم بالرومانسية لكنها تصدم بواقع مختلف . مع الوقت، سيخف تعلقه بهاتفه وسيتعلق بك وبطفله وسيأخذ من طباعك وستأخذين من طباعه فلا تعطي الامر أهميه كبيره ولكن احرصي طبعا على ثنيه من استعمال هاتفه أثناء القيادة . السنه الاولى من الزواج من أصعب سنوات الحياه الزوجية ولكنها ستمر وسيغير طفلك عادات أبيه ويقربكما من بعض حين تشعران بأنكما أصبحتما تؤلفان عائلة.