وصلت الى خط النهاية مع خطيبي بسبب عدم تقبلي له، فما الحل؟

المشكلة :انا مخطوبه لابن خالتي بقالي سنتين المفروض فرحنا ف شهر 8 هو انسان محترم جدا وبيحبني جدا اكتر من اي حاجه بينحبني من قبل الخطوبه بكتير انا بتعامل معاه بطريقه مفيش اي اتنين مخطوبين بيتعاملوا بيها هو بيكلمني ع طول يطمن عليا بس انا مبعملش كده وممكن محدش عليه لما يتصل ارد بعدها انا حاسه نفسي مش مبسوطه ومش مرتاحه انا بحب حبه ليا ونفسي احبه زي مابيحبني بس ده محصلش طول السنتين وبلنسبه الماديات هو امكانياته حاجات معينه انا دايما عاوزه اللي احسن من كده فبحس دايما بعدم رضا لان مش ده المستوي ولا الإمكانيات اللي عاوزه اعيش فيها من ناحية شخصيته ف حاجات كتير مش حباها زي اسلوبه طريقته وممكن استايله وانه مش طموح ومش بيغير من نفسه ولاعاوز يرتقي انا دلوقتي بفكر اسيبه لاني مش مبسوطه ونفسي اعيش واكمل حياتي وانا سعيده وراضيه ومقتنعه ف نفس الوقت خايفه من حاجات كتير اني ملاقيش واحد يتقي ربنا فيا زيه ولا يحبني زيه اني برده مرتحش ومكونش مبسوطه اني اكون ظلمته فربنا يعاقبني بالاسوء واعيش طول عمري ولاراضيه ولامرتاحه ان حد يتكلم عليا او هو بينه وبين نفسه يشوفني وحشه لان هو ده الوقت اللي كان بيتكلم ف الفرح وانا اخترت مكان وهو قال انه مش امكانياته وانا قولتله تمام شوف امكانياتك فين تعرفني بس الموضوع ملوش علاقه اطلاقا بالفرح انا بفكر من قبلها موضوع الفرح ده اللي ضغط عليا اكتر بس انا تعبانه جدا مش عارفه اخد قرار وتايهه وحاسه اني حياتي واقفه نفسي اكون سعيده وراضيه ومرتاحه نفسي حد يساعدني بجد انا عارفه ان المفروض اساعد نفسي واشوف انا عاوزه ايه بس حرفيا انا مش عارفه انا عاوزه ايه وتايهه وتعبانه جدا ارجوكم حد يساعدني وينصحني بالله

الحل :اعلمي ان الزواج هو حياة ابدية ويجب التفكير بها بالعقل ولا نريد لا سمح الله ان تصبحي مطلقة بسبب زواجك بدون رضا، واعلمي ان شرط من شروط الزواج الرضا والموافقة والراحة والقبول وانت لا تشعرين باي منها، واعلمي ان الزواج قسمة ونصيب ورايي ان تفسخي الخطوبة الان قبل ان يبدأ التحضير للفرح، ولا تتزوجي شفقة او خوفا من ظلمه، وانت لم تظلمي نفسك لانك لا تريدينه ولا تشعرين لا بالفرح ولا بالسرور، وصدقيني لا احد يعرف اين نصيبه، لذا من رايي ان تتوكلي على الله وتتخذي قرار قبل ان ينفق اكثر مما انفق، وانت تنتظري نصيبك اينما كان او تبقين كما انت سعيدة في حياتك وتعيشي وتحققي احلامك وربي يوفقك، لان الظلم ليس لك بل له ولانه سيبقى دوما طامعا في حبك وسيفعل المستحيل لترضي وسيشعر بالقهر لان هذه امكانياته، وانت لك حق الموافقة او الرفض. وفقك الله.