رغم ما بيننا من حب عظيم لم يمنع افتراقنا

المشكلة : تكفون ايش نسوي بالله زوجتي وقرة عيني لسنوات طويلة رافضة الانجاب وعندنا ولد واحد ولما شديت الموضوع صارت بيننا مشاكل من غير قصد قدام الجيران وهم اكثر من فرح بها المشاكل، وراحت لاهلها وقالت انها مو مستحملتني لاني مريض لدرجة انهم مو مستوعبين اني مريض بشي مو مخليني اعيش زي الناس العاديين، وانا اعترف ان عندي حسد قديم لكن حياتنا زي الناس وظيفتي ذات مرتبة عالية في الدولة في مكان حساس، وهي الله يصلحها ماني قادر اقول لها يالله نروح نرقي أنفسنا سوى مره واحدة فقط، قلت لها كذا قامت تصيح وتدعي علي، وعرفت وربي ان بيننا شي مو بسيط يفرقنا وصار بيننا نفرة عجيبة مع اننا نحب بعض ونشتاق لو نفترق ساعة، اذا بس اطلع اجيب اي غرض من السوق ما احسب اني ارجع، وبمجرد نشوف بعض كل واحد فينا يضيق صدره ويلتزم الصمت هذا اذا ما صار فيلم غريب ماله اي سبب. تعمقت في تصرفاتنا وبحكم اني اعاني من زمان عرفت ان في شي جديد ماصار من سنين طويلة، والله العظيم اني حزين على حالنا،طلقتها أول مرة في حياتنا من 9 سنوات، وخلال أيام بسيطة حسيت ان الموت اهون علي من فراقها وجلست عشر أيام ما اكل وهي نفس الشي لين نزلت اوزاننا والكل لاحظ علينا، وأهالينا كانوا بيتجننوا، والحين رجعتها قبل كم يوم وهي عند اهلها حتى ماشفتها لكن رجعت المشاكل اللي من دون سبب. والله العظيم الكل محتار في حياتنا، وانا ما ابي شي يكدرها اكثر من الاشياء اللي اخطيت عليها بيها وهي نفس الوضع. عمري بنهاية الثلاثين ووضعنا الاجتماعي فوق الممتاز، ومتلهف لطفل مع ولدنا اللي عايش معنا ع الحلوة والمُره لين صار بالمدرسة، بس عندها قناعات ما اقول انها خطأ بس يلزمنا حسن التوكل على الله، وهي مترددة دايم وماهي عارفة وين الاتجاه الصحيح، وانا اخس منها، حاولت معها ما قدرت لأني أعاملها أحيانا بقسوة وصرت أندم كثير ونفسيتي صارت زي الطفل وهي أشد مني. الله يبلى من بلاني وبلاها، وربي حنا ناس مو متكبرين ولا متبطرين على النعمة، بس الشي اللي جالس يصير بيننا عجيب، ومع ذلك الله يصلحها ما تتقبل إني أقول لها إنك ممكن تعاني من شيء. تخيلوا أهلها أحبهم من كل قلبي، خربت معهم كل شيء وقبل ما أطلق بيومين متجمل معهم بعطى وصلة رحم. أناظر فيهم الحين والكل مصدوم، وربي قلت لاخوها اللي فاهم وضعنا والله لو تدعمني بالسيارة لاسامحك بس ودي أموت وأرتاح استغفر الله العظيم. يارب فرجك علينا،، يارب انصرني وانصرها وانصر ولدنا وأهالينا، اللي عمري ماحبيت غيرها من كثر حبها لي صرت أشوفها كأنها بنت لي، لكن مو قادر لا انا ولاهي حتى نتقابل وننام في غرفة وحده الحين لنا شهور طويلة ما حنا قادرين على التعايش مع بعض والضحية ولدنا، الله لا يذوقكَم ما ذقناه، المشكلة الكل كرهني ومو متأكدين إن في شي مو طبيعي علينا حنا الاثنين وولدي بعمري عن روحه ورحها. أسألكم الدعاء لنا.. وما أنستغني عن نصيحتكم. عسى ربي يتم عليكم النعم ويحفظكم بحفظه. ويارب إن كتب الله ورُزقنا بمولود سليم معافى واذا بنت لأسميها على إسم أمها ***.

الحل : اخوي اسمع كلامي زين لان بحول الله تعالى راح أفيدك وربي أقرا كلامك وأعيده اكثر مِن مره وانا في قمه الذهول قصتكم وياسبحان الله تحكي قصتي حاليا مع زوجي المشكلة والكلمة اللي استوقفتني منك قلت وانا احس منها هنا مربط الفرس اعرف وين اتجاهكم وكيف تحررون معتقداتكم وتوكلو ع الله ومساله النفور بيننا لليوم وانا وحده ارفض ارقي نفسي اذا زوجي يقولي هيا نروح بينا حسد انا مازلت لليوم في مد وجزر بين طلاق ورجعه وأطلقت كذا مره ورجعت لأني انفر منه بشكل مو طبيعي وبمجرد الفراق يتغير الحال اذا استفدت مِن كلامي اخوي لاإنساني بدعوه بظهر الغيب يحفظ الله اطفالي ويفرجها علي عاجلا يارب وعلى كل مسلم