امي المراهقه

أنا بنت بالثانوي ومشكلتي بدأت مع أمي من فترة .. أمي من فتره بدأت تتغير ولاحظت عليها تصرفات غريبه كانها مراهقه، صارت تهتم بنفسها بزيادة وتتكشخ ودايم طالعه وتغيب فترات طويلة عن البيت وأذا كانت قاعدة بالبيت تكون لحالها وماتدري عن أحد وبس تكلم بالجوال لساعات. شكيت بوضعها وماأرتحت وحسيت فيه شيء غلط خصوصاً ان تصرفاتها كأنها وحده تكلم حبيبها. اضطريت عشان اريح راسي افتش بجوالها وهنا المصيبة لقيت بجوالها رسايل حب وغرام وصور لواحد اكتشفت انها متعرفه عليه وهو سبب تغيرها المفاجئ. صدمتي كانت كبيرة بأمي خصوصاً انها كانت مثالي الاعلى وشدني الفضول اتعرف على هالشخص الي لعب بعقل امي وهي بهالعمر! واخذت رقمه من جوالها ودقيت عليه وكانت نيتي اهزئه واهدده واتدخل بالموضوع وانهيه لكن للاسف مرت الايام ومرت المكالمات وبديت اتعلق فيه! مع الايام حسيت اني احبه واكرهه بنفس الوقت! احس اني ضايعه ومدري وش مفروض اسوي.. انا وامي نكلم نفس الرجال وهي ماتعرف ولاهو يعرف اني بنتها! لخبطة كبيرة لكن المشكلة علاقتي تطورت فيه والحين هو يبي يشوفني! احتاج المساعده! اذا رحت لامي بتسوي لي مصيبة واذا اشتكيت لاحد ثاني بفضح نفسي وامي! وش المفروض اسوي؟

سيدتي اتركي الموضوع!! اقطعي الاتصال بذلك الشخص نهائيا. واتركي شأن هذا الموضوع لاْمك. اتركيها تحل مشكلاتها، ولكن عليك فقط أن تحسيسيها فقط!! انك شاعرة بأن هناك شيء غريب يحدث فقط. وضع أمك أهم من حبك وتعلقك بهذا الشخص اللعوب، الذي سيلعب مع أخرى وأنت معه. المهم ومن بعيد أن تنقذي بيتك وعائلتك من المصائب التي قد تحدث لاسمح الله لو علم أبوك. والاْشياء غير الصحيحة دائما تنكشف...دائما...لمحي من بعيد، واخرجي من أنانيتك وغيرتك من أمك، ومنافستها، هذا ليس وقته. أنت ستصبحين بلا أم ولابيت كامل يحويك ويحرسك. شكرا وبالتوفيق