arablifestyle
آخر تحديث GMT 07:48:13
لايف ستايل
لايف ستايل
آخر تحديث GMT 07:48:13
لايف ستايل

الرئيسية

لايف ستايل

السلام عليكم ورحمة الله وبركاته انا مطلقة غيبا (يعني بدون ما اعرف ) السبب تافه جدا بس كان داخل فيه نفسيات وحسد وتدخل أهل طليقي كمان كبر المشكلة . المهم دلوقت في احتمال الرجوع ، لكن كان في امر كنت ملحظاه على طليقي لكن ولا عمري قلت له عليه بصراحة كنت بلمح بس ( ماحدش يقول بيختبر غيرتك ، محدش يقول انت مقصرة ، محدش يقول بينرفزك والكلام الهري ده ) باختصار ... اول شهر زواج كنت قاعدة معاه عادي جدا فجأة جات له رسالة من رقم غريب وكان تليفونه معاه فتح الرسالة امامي وقراها وشه اتغير وأنا ضحكت إيه الرسايل دي ( مش في دماغي حاجة ) كانت رسالة حب معناها رجوع الحب القديم وكده فضل الرقم ده يبعت رسايل كتير يجي أربع رسايل أو يمكن أكتر . قلت له انت تعرفها قال لا والله قلت له طيب ابعت لها اسالها انت مين انا ما اعرفكش ما تردش الا برسايل من النوع ده . وفجأة اتصلت وصوت واطي جدا الوا الوا وقفلت السكة وخلاص وعدى اليوم وانا مش بدماغي قلت دي شغل بنات فاضية ولا حاجة تضرب اى رقم وتعمل كده . راح الشغل وجه تاني يوم وانا والله عادي جدا ومقابلة وترحيب وكل حاجة . لقيته من حاله لباله كده يقول ي اوعيك تفكري اننا كلمتها ، قلتله مين دي . قالي بتاعة رسايل امبارح . قلت والله والله انا نسيتها أصلا . وعدت الأيام وأحيانا كان بيسيب تليفونه بالبيت نسيان يعني وينزل الشغل . وفي يوم قبل ما اولد بنتي الاولى نمت حلمت أنه باعت لواحدة من محافظة غير محافظتنا رسالة حب وانا مسكت التليفون وقراتها نزلت لوالدته وقلت لها ابنك وابنك . قمت من الحلم ده مخضوضة وحزينة بس حاولت مش يبان عليا ، لكن هو لاحظ فقلت له . قام ضاحك وقالي يخريبت أحلامك اللي بتجيب الحقيقة وغير الكلام على طول وانا سكت . بعد كده بدأت اشك فيه بيني وبين نفسي لما كنا نخرج سوى كنت بحزن كنت فعلا ببقى مقهورة لأنه خارج معايا وسارح في بنات الناس اللي ماشية اجي انده عليه الاقيه بدنية تانية في يوم كان جاى معايا للدكتورة قابلتنا بنت من بلده عينه ما نزلتش من عليها ولا هيا نزلت عينها من عليه وعليا .لو نظرة عادية فهي معروفة إنما دي.نظرة تانية خالص. بدا الشك يدخل جوايا أكتر . بعد ميلادتي بنتي الاولى (ماحدش يقول اهملته ماحدش يقول هو حس بالنقص ، انا عارفه انا بقول إيه كويس وعارفه حياتي كنت ممشياها ازاى ) في يوم نسى تليفونه وبعد شوية لقيته جاى جرى بسرعة التليفون التليفون قلت له اهو اتفضل قالي انت عاوزة تعرفي الجو بتاعي ولا ايه كان دايما ماسك لي ( انت البيت بتاعي الجو بتاعي برا ) وكنت بضحك واسكت كان يغني مع نفسه كده وابص له يقولي مش ليكي . اضطريت بعد ده كله أراقب التليفون وكان تليفون عادي فكنت بعرف بطريقتي عدد الرسايل من العداد الاقيه بيجي له رسايل ويمسحها لغاية في يوم ميلادة بنتي التانية وهو قاعد مع اهلي واهله قبل ما ادخل العمليات جاته رسالة على التليفون فتحها ( طبعا رنة الرسالة بتبان ) وقراها وابتسم وفضل ماسك التليفون كأنه منتظر حاجة وهو مبتسم للتليفون وبعدين جاته رسالة تانية قرأها وقام فضل معاه التليفون مش عارفه بيعمل فيه إيه ونزل يصلي ( على فكرة طليقي شيخ بيخطب في الناس !) لما روحت بعد الميلادة بحثت في التليفون عن الرسايل بتاعة يوم الميلادة مالقيت غير رسايل الشركة. موضوع الرسايل ده ولا عمري كلمته عنه وقسما بمن أحل القسم ولا عمري قلت له بيجي لك رسايل وبتمسحها . بس كنت بقوله لما بيكون زعلان وانا طهقانة روح اتزوج لو عاوز بس هنيني وحسسني اني زوجة عشان خاطر بناتك . المهم دلوقت يا أهل الخبرة والشور والراحة الحكيم هل انا اخطات في حكمي عليه هل هو بريء من اتهاماتي وشكي ده وكمان في حاجة في يوم كنت عند ماما بغسل بطانية ليا (لان كان عندي في شقتي مشكلة في المياه ) المهم ماما قالت لي سيبي بنتك وروحي البطانية تخف عنك الشيلة وانت مروحة لما روحت أودي البطانية وما كنتش قلت له ما زعلش اني خرجت بدون أذنه لا زعل اني دخلت شقتي بدون علمه وقالي هيا زريبة بدون حارس أزاى تدخلي بيتي بدون أذني قلت له بيتك زى ما هو بيتي قالي مش مسموح ها يا جماعة إيه رأيكم في الشخص ده يا أهل الشور والخبرة ارجع له ولا خليني اربي بناتي أفضل بكرامتي وكمان في منام لي من كام يوم وكذا حد فسروا لي أنه على علاقة ببنات

GMT 01:08 2020 الإثنين ,14 أيلول / سبتمبر

نصائح الخبراء للتعامل مع زوجتك التي تكذب عليك
لايف ستايلنصائح الخبراء للتعامل مع زوجتك التي تكذب عليك
 
arablifestyle

Maintained and developed by Arabs Today Group SAL
جميع الحقوق محفوظة لمجموعة العرب اليوم الاعلامية 2021 ©

Maintained and developed by Arabs Today Group SAL
جميع الحقوق محفوظة لمجموعة العرب اليوم الاعلامية 2021 ©

arablifestyle arablifestyle arablifestyle arablifestyle