الواقع المؤلم

المشكلة:تزوجت منذ ٧ سنوات زواج تقليدي وكنت معتقدة ان الحياة الزوجية وردية ككل البنات اللي بتحلم بالفستان الابيض ومن غير ما اعمل حساب الشخص اللي قدامي فهوا من سمعته الحسنة بين الناس جعل عقلي يقتنع به انه مناسب وعدت اول ايامنا عاملته افضل معاملة لكن كل المواقف اللي بتتطلب منه اي حنية ولو بسيطة فهيا غير موجودة بالمرة افتكر مثلا اني كنت سخنة جدا وتعبانة ميسالش عليا بالكلمة ولا يلقي عليا نظرة بعينه رغم كنا في اول شهرين افتكر بردو لما كنت فرحانة اكتشفت اني حامل للمرة الاولى قالي سيبيني انام افتكر طول ما كنت حامل وولدت وطول الحمل التاني في توام كنت بدبر لبيتي واولادي د ن ان يهتم ولا يشارك اللي زود بقا المشاكل وعدم التفاهم انه وصل بيه الحال للنوم والتكاسل في اوقات عمله ورما كل حمل البيت وطلباته وطلبات العيال ومدارسهم ومصاريفهم عليا وبدا الحال في النازل خصوصا عمال يضيق عليا في المصاريف وكل ما اتكلم معاه وازعل انا اللي بصاايه وبعد مرور السنين قويت شخصيتي عليه وماعودتش بلين معاه في الكلام ولا التصرفات وبقيت بلعن اليوم اللي وفقت فيه عليه وبقيت منصرفة عنه تماما بعد ما حببته فيا فالشكر لله انا شخصية ممتازة ومتفوقة طول عمري معرفش الفشل وموتي وسمي الكسل وبجبر خاطر كل اللي حواليا وابر والدي واعمل على اولادي بكل قطرة من دمي وجالي تعيين من الحكومة في بلدنا نظرا لتفوقي في الدراسة وكل ما ارغب فيه لزوجي وبيتي انه يكون سعيد ومستور وفي احسن حال لكن الحال المايل والخيابة معرفهاش ومش هسمح بيها في بيتي زيي زي اي زوجة مصرية اصيلة المهم وقفتله لوحدي دون اللجوء لاهلي وقولتله انا مش هرضا باي كسل تاني وتسعى على اولادك محتاجينلك كلنا الزواج مسئولية وطول ما انتا كدا مليش كلام معاك وانصرفت عنه في نفس البيت لا اكل معه ولا انام ولا يشوفني حتا حتى طلع عن سك ته بعد اسبوع تقريبا في تاني يوم من رمضان هذا وقالي انا ترددت كتير اني اقولك انا باخد تامول من سنة زواجنا لزيادة المتعة الجنسية دا هوا سبب كل الللي انا فيه وعاوزينك تساعديني ابطله ومشيت معاه مشوار التبطيل واع اض الانسحاب المشكلة فيا انا دلوقتي انا حاسة انه ظلمني جاااااامد اوي لان احداث السنين اللي فاتت من الجفا كانت كتير عملت حاجز نفسي تجاهه يعني مثلا مش ناسية انه كان يسبني اخد العيال من الروضة واروحهم ذهابا وايابا وانا باجي على نفي من التعب واذهب للعمل بعدها وهوا نايم ويضيع علينا رزق اولاده بنومه وعدم ذهابه للعمل ولا انه كان يقتطع الاف الجنيهات من مصروفنا د ن علمي عشان يجيب الزفت التامول كان ممكن يسد بيه اقساط العربية او يعالج بيه بنته واينه وهوا بيديني امل فيه وانه صعبان عليه اللي احنا وصلناله وانه ندمان لكن انا ماشية معاه مشوار تقدمه حاليا والصراحة هوا ايجابي جدا لكن الامان مش قادرة اديهوله ولا اثق فيه ولا اصدقه ولا قادرة اسامحه نفسيا حاسة اني استهلكت ومش عارفة اعمل ايه

الحل: وكل عام وانتم بخير . انت امرأه مميزه ومجتهدة وتريدين النجاح وتتفانين لإسعاد عائلتك وزوجك فرد من أفراد هذه العائله فلا بد لك من أن تسامحيه على جفائه معك وتمدي له يد المساعدة خاصه وانه اعترف لك بمشكلته وطلب منك المساعدة لثقته بقدراتك . لقد بدأ يتعافى وسيشفى من إدمانه ويعوضك كل خيبات الامل التي عشتها من قبل معه . لقد كان غير مسؤول عن تصرفاته ، لا يستطيع السيطرة على إدمانه الذي يجعله كسولا وغير مسؤول وفاقد لدوره كرب البيت . اصبري قليلا واعطه فرصه أخيره وسامحيه من أجل أطفالك ، ولا تنسي أنه والدهم ، وسيبقى والدهم، فساعديه ليفخروا به وليعتمد على نفسه من جديد ويعوضك عن الماضي . لن تخسري شيئا ، هي محاوله أخيره للنهوض بعائلتك فإن نجحت ، عشت سعيده معه وإن فشلت ، تطلبين الانفصال.