تزوجني لخدمته وإنجاب الأطفال

المشكلة : قاعده اشكيلكم من زوجي وانا منهد حيلي بهالحياه وابكي ، لي سنتين متزوجه وعندي بنت ، عمري ٢٧ وماني مقصره بأي شي اغسل ملابس زوجي واكويه واكله جاهز يصحى من النوم قهوته جاهزه اعطر البيت ارتب وانظف واطبخ فوق كل هذا خلى مسؤوليه بنتي علي عمرها سنه انا اللي البس واعطيها الدوء من من كحه من علاج حرار الخ ، حتى بديت انسى نفسي واحيانا انسى اكل في سبيل اني ما اقصر مع زوجي ، ابدا مايعاوني بشي كل شي علي انا ويبيني احمل وانا رافضه الحمل بسبب الضغوط اللي متراكمه علي ،يطلع يسهر مع اصدقائه وانا يمنعني من الخروج مع صديقاتي حاولت معاه كثير اني اطلع مع صديقاتي رافض ، احسه متزوجني لخدمته وانجب له اطفال نفسيتي تعبت بالحيل ، اتزين له ما يعطيني اي اهتمام كل اهتمامه مع اصدقائه كل شي اسويه له في سبيل اسعاده حتى لما يرجع للبيت اكون بشوشه مافي سبب يخليه يتهرب مني ويسهر لاخر الليل كل يوم ، دلوني على حل والله صرت افكر بالطلاق ، كثير قالوا لي تكلمي معاه ، يشهد علي ربي اني اناقشه بأدب واحترمه لكن ما استفد شي ، طول حياتي بالبيت يا اروح لاهلي او اهله لكن صديقاتي لا مولات لا مطاعم لا كافيهات لا ،تعبت والله حتى من كثر ماهو منهد حيلي وقت الجماع اجامله لاني اكون تعبانه من شغل البيت ، كل ما اتناقش معاه يقول انا مو مقصر معاك بشي ،قلت له انت مو مقصر معي من ناحيه الطلبات لكنك مقصر معي بأمور كثيره حارمني من الطلعات و تخليني استوحش لحالي بالبيت لا انيس ولا ونيس وانت ماتجلس معي تعطي حق لزوجك تخصص لها ايام تجلس معاها ، تصدقون حتى بنته استنكرته من كثر ماهو غايب عن البيت ماني قادره اصبر صبرت سنتين مقدر اصبر طول العمر ، ابي اعيش حياتي زي باقي الناس تكون اجتماعيه قبل لا اتزوج كنت اروح واجي واطلع مطاعم وكافيهات حتى مع صديقاتي لكن بعد ماتزوجت كل شي ممنوع لدرجه صديقاتي قالوا ليه ماتطلعين معنا ، اتعذر واقول مشغوله طالعه مع زوجي وانا اصلا مو طالعه ، ماكلف على نفسه يطلعني مطعم او كوفي معاه يطلع لذي الاماكن مع اصحابه وانا لا ،تصورو حتى بيوم ولادتي ببنتي ما انتظرني لين اولد على طول راح يسهر وانا بألم الولاده وخلاني مع اهلي معنه وعدني يظل لين اضع

الحل:كل النساء حالهم كحالك ، و ما تفعلين هو واجبك ، انت تشتكين و عندك بنت فقط ، فما بالك باللي عندها أربعة كحالي اطبخ و اغسل و ادرس اولادي و الحمد لله على كل حال ، فهذه حال الدنيا ، الراحة فيها و لا سعادة