طريقة إعداد خرشوف بالبشاميل وجبنة البارميزان

المقادير

2 x معلقة كبيرة عصير ليمون
1 x معلقة صغيرة ملح (أو حسب الرغبة)
1 x معلقة كبيرة زبدة
1 x رشة جوزة الطيب
1 x عدد بصلة مفرومة
½ x كوب جبنة بارميزان
½ x كيلو خرشوف
½ x معلقة صغيرة فلفل اسود مطحون (أو حسب الرغبة)
¼ x كيلو لحمة مفرومة
مقادير صوص البشاميل

4 x معلقة كبيرة دقيق
4 x معلقة كبيرة زبدة (مكعبات)
2 x معلقة كبيرة زعتر (فريش)
2 x عدد ورق لورا
1 x معلقة صغيرة ملح
1 x لتر لبن كامل الدسم
1 x عدد حباية جزر (مقطعة لقطع كبيرة)
1 x عدد بصلة (مقطعة لقطع كبيرة)
½ x معلقة صغيرة حباية جوزة الطيب (مبشورة)
الخطوات

أولا هنحضر البشاميل.
فى حلة على النار هنضيف اللبن والجزر والبصل واللورا والزعتر ونسيبه يغلى وبعدين نصفيه من المكونات ونسيبه يبرد.
فى حلة على النار هنسيح الزبدة ونضيف الدقيق ونقلب كويس لحد ما الخليط يتجانس.
هنضيف اللبن تدريجيا على الزبدة والدقيق ونقلب كويس وبسرعة لحد ما قوام الصوص يتماسك ويبدأ يغلى وبكده يبقى الباشاميل جاهز
فى طاسة على النار نضع الزبد والبصل ونقلب حتى يصفر لونة.
نضيف اللحم المفروم ونقلب ويترك على نار هادئة حتى ينضج اللحم ثم يتبل بالملح والفلفل والبهارات.
يقطع الخرشوف ويشوح فى طاسة مع معلقة من الزبد ومعلقتين من عصير الليمون.
نحضر صينية بايركس ونضع قليل من البشاميل ثم نضع الخرشوف واللحم المفروم ثم يوزع البشاميل ثم ننثر الجبن فوق الوجه.
نضع الصينية فى فرن عند درجة حرارة 180 حتى يحمر الوجه.. تقدم ساخنة مع أرز أبيض.. بالهنا والشفا