كانت عيون "أبو هموم" حمراء بلون الدم، كانت تحبس دمعة دموية، تجاعيد وجهه ازدادت عمقا لتحفر على وجنته خريطة حزن عمرها من حزن الوطن. حمل ركوة القهوة المرّة، وضعها على الطاولة، صبّ الأسود بالفنجانين وأشعل سيجارته الرخيصة، نفخ من صدره دخان هموم من عمر "أبو هموم".
"شو في يا "أبو هموم"، كلنا ناطرين أيام أحلى. شو يللي ترك الدم بعيونك؟"
. بعصبية أجاب: "أنت شايف إعلام اليوم؟ يا زلمي صارت مين بيتجولق على مين. خود البرامج السياسية يللي بيسموها "توك شو"، على أساس مشي الحال والشعب المعتر ناطر من كل القبضايات يتفقوا ويساهموا بإراحة الناس ويعطوهم شوية أوكسيجين ليتنفسوا بعد ما كتموا أنفاسهم سنوات وسنوات. شو عم بيصير؟ كل صاحب توك شو حريص على استقبال شخصية تثير الجدل ومهمتها صب الزيت على النار وتركها مشتعلة هيك من أجل منصب أو حقيبة، وحصتي بدي آخدها لجماعتي وعشيرتي ومش مهم الشخص المناسب بالمكان المناسب"
. وتابع "أبو هموم": "وبما أنو حضرتك ساكت رح كمّل. خود برامج الترفيه
. آخر موضة نشر عرض وحريم كل البرامج المنافسة، ويا ويل يللي بيغلط على الهواء.
هون أنا مش عم أفهم وين الكوميديا بالموضوع؟ شو باك ساكت؟". أجبت: "يا "أبو هموم" هودي برامج موجودة بالغرب، وصارت موضة بكرا بتخلص ما بدا هالقد". شفط "أبو هموم" شفطة عميقة من سيجارته، ومع عبسته التاريخية قال: "يا أستاذ يا محترم يا مثقف، خلص ما بقا في أفكار عند أهل البلد؟ ما بقا نقدر نقدم برامج على الشاشة مش منقولة من الغرب؟ ما منقدر نجيب نسبة مشاهدة عالية من دون ما نستعين بالنجمة ميريام كلينك أو بصاحب المعالي النكتجي؟ الناس يا مثقف ناطرة بالعهد الجديد يكون في فريق عمل يعيد الثقة الى وجوده بالبلد، ويعيد إليه الأمل بالبلد، وخلينا نترك موضة مين بيتجولق على مين.
صارت القصة بايخة ولازمها تضبضب، أنت معي؟"
. "ليك يا "أبو هموم" هيدي موضة وبكرا بتخلص، وبيناتنا ميريام كلينك أذكى منهن كلن!".
GMT 18:30 2023 الإثنين ,23 تشرين الأول / أكتوبر
ليلى علوي تدعو لعمل فيلم عربي عن فلسطين وتعلن مشاركتها فيه بدون أجرGMT 18:25 2023 الإثنين ,23 تشرين الأول / أكتوبر
بسنت شوقي تنضم لأسرة فيلم "السيستم" مع أحمد الفيشاويGMT 18:14 2023 الإثنين ,23 تشرين الأول / أكتوبر
هالة صدقي تبتعد عن الدراما التلفزيونية في الموسم الرمضاني 2024GMT 11:29 2023 الإثنين ,23 تشرين الأول / أكتوبر
سوسن بدر تكثف تصوير مشاهد "حدوتة منسية" بعد تحديد موعد عرضهGMT 19:47 2023 الأحد ,22 تشرين الأول / أكتوبر
سماح أنور تشارك في فيلم "فرقة الموت" بطولة أحمد عزGMT 17:36 2023 الأحد ,22 تشرين الأول / أكتوبر
نسرين طافش تدخل "السيستم" مع أحمد الفيشاويGMT 14:12 2023 الأحد ,22 تشرين الأول / أكتوبر
مجدي أبو عميرة يعود للتعاون مع يحيى الفخراني بعد 16 سنة من يتربى في عزوGMT 13:19 2023 الأحد ,22 تشرين الأول / أكتوبر
حورية فرغلي وإلهام شاهين تتعاقدان على فيلم الحب كله من إخراج خالد الحجر Maintained and developed by Arabs Today Group SAL
جميع الحقوق محفوظة لمجموعة العرب اليوم الاعلامية 2023 ©
Maintained and developed by Arabs Today Group SAL
جميع الحقوق محفوظة لمجموعة العرب اليوم الاعلامية 2023 ©
أرسل تعليقك