
علَّقت الفنانة أصالة على قضية توقيفها في مطار بيروت، وشكرت كل من نفى عنها ما أشيع سواء من محبيها أو حتى ممن لا تربطهم بها مودة، وأكدت على حبها للبنان وأهل بيروت، وقد نال الرد أكثر من 7 آلاف إعجاب في نصف ساعة فقط، وقالت في صفحتها على "انستغرام": "على قدّ ماكانت الساعات الطويلة الماضية قاسية وصعبة، على قدّ مافرحت بالمحبّة وبالاهتمام وبالثقه اللي غمرتوني فيها... ماتعوّدت بحياتي فسّر أو وضّح أو كون بمطرح المتّهم، مو بس لثقتي بنفسي بل لأنّي ومن عمري ست سنين وأصغر وأنا بين الناس وكتار كتير اللي اهتمّوا فيني، وكتار كتير اللي أضافولي وعلّموني، ولا أبالغ لو قلت إنّي بحسّ بمسؤولية التعبير حتّى فيما له بالغ الأثر على أماني وأمان عائلتي، لأنّي ضمير هالناس اللي مابيقدر صوتهم يوصل.
وتضيف "طبعاً مرّات بندم وبقول ( شو كان بدّي بهالتعب) بس الأكيد إنّي خلقت لكون متل ما أنا... بيروت حبيبتي وتوأمي والناس اللي فيها بتساعدني وبتحبني أكتر بكتير من غيرهم، أنا بحسّ حالي خلقت فيها وبعشق كلّ ذرّه من ترابها، ومارح أزعل منها كتير لأنّه مالها ذنب، شكراً لكلّ اللي ساندوني وساعدوني من كبار هالدولة اللي بيتعذبوا أكتر منّي ليضلّوا كبار، وصلت اليوم بيتي تعبانة شوي ومصدومة شوي ومقهوره شوي ، بس كمان عندي أمل بالضمير وخصوصاً لمّا قريت بعض الرسائل لمن لاتربطني بهم مودّة، ومع ذلك نفوا عنّي ما أُشيع ، والحقيقه هالشي فرّحني مثل مافرحت بالكم الهائل من المحبّه والاهتمام اللي خفّف عنّي شعور الظلم اللي مارح أتعوّد عليه، مافي شي اسمه صحافة صفرا، بس فيه ناس صفرا بيشتغلوا صحافة، وكلامهم أنتوا ردّيتوا عليه ، وما لحق يجرحني، وسؤالي إلهم ( ليش لازم كون مُتّهمه وملوّثه ليكتب قلمكم عنّي؟ ممنوع كون حرّه؟ ممنوع طالب بالعدل؟ ممنوع كون بشر متل البشر اللي خلقهم الله ليكونوا جنب بعض؟ ) أملي ببكرة أحلى كبير وأملي حتّى بالضمير اللي مات يصحى كمان مازال موجود ، وأنا كتبت لطمّنكم ، إنّي قدوه ووفيّه لثقتكم ومعكم عم بستنّى العدل يسود ، ومعكم عم كافح لنكون أحرار ، ورح أرجع بيروت لما بتشتقلي ، وتحميني قبل ماتظلمني".
وكان بعض المحللين أكدوا أن القضية ملفقة بسبب موقف الفنانة أصالة من لبنان وإهانتها لبشار الأسد.
GMT 11:04 2025 الأربعاء ,09 تموز / يوليو
شام الذهبي تهنئ والدتها الفنانة أصالة على ألبومها الجديدGMT 18:37 2025 الأحد ,22 حزيران / يونيو
أصالة تكشف عن الصعوبات التي واجهتها خلال تحضيراتها لألبومها الجديد "ضريبة البعد"GMT 17:38 2025 الخميس ,15 أيار / مايو
الفنانة السورية كندة علوش توّجه رسالة خاصة إلى أصالة في يوم ميلادهاGMT 15:39 2025 الثلاثاء ,13 أيار / مايو
رامي صبري يوجّه رسالة مؤثرة لعائلة الفنانة أصالةGMT 12:35 2025 الثلاثاء ,06 أيار / مايو
هند صبري تدعم شام الذهبي بعد إعادة فتح عيادتها Maintained and developed by Arabs Today Group SAL
جميع الحقوق محفوظة لمجموعة العرب اليوم الاعلامية 2025 ©
Maintained and developed by Arabs Today Group SAL
جميالحقوق محفوظة لمجموعة العرب اليوم الاعلامية 2025 ©
أرسل تعليقك