الفنانة داليا البحيري تتعرض للإهانة في المطار على حد وصفها في "فيسبوك"

عبرت الفنانة داليا البحيري، من خلال حسابها الرسمي على موقع التواصل الاجتماعي" الفيسبوك "، عن غضبها الشديد، نتيجة لما تعرضت له من تفتيش في مطار القاهرة الدولي، بطريقة غير لائقة.

 و عبرت داليا عن موقفها بقولها:"حزينة جدًا جدًا لما حدث معي في مطار القاهرة، خضعت لكل قواعد التفتيش من خلع الحذاء و المشي على الأرض، للأسف في منتهى القذارة، و أنا بلبس الجزمة لا مؤاخذة لقيت حد بيخبط على كتفي بلف لقيت موظفة أمن على وشها غضب ربنا، قلتلها في حاجة؟! قالت لى تفتيش، قلتلها آه طبعا، وابتدت تحط إيديها عليا، قلتها ثانية واحدة! حتفتش ذاتى هنا؟!قدام الناس؟! مفيش غرفة تفتيش، بستارة! قالت مطلوب تتفتشي قدام الكاميرا، نهار أسوح، قلت يمكن مفيش أوضة تفتيش، و اتفتشت، و اكتشفت إن في غرف تفتيش موجودة و فاضية، روحت سألت الضابط المسؤول، وقالي معلش أصل فيه ناس بترفض تتفتش في الغرفة، هو بمزاجهم! طب أنا مارفضتش و أبديت استيائي و في الآخر اعتذرلي، افتكرت الله يرحمه الأستاذ فؤاد المهندس، أحسس و اعتذر، إحنا ضايعين مفيش قانون! ليس لها من دون الله كاشف مأساة البلد دى شعبها".