تامر حسني يستنكر الهجوم عليه ويوجه رسالة لياسمين عز

أثار الفنان المصري تامر حسني حالة من الجدل بسبب تعليقه على دفاع الإعلامية ياسمين عز عن فيلمه تاج وموهبته والإشادة به، مستنكرة الهجوم عليه، إلا أن رده تسبب في انتقادات له وغضب من محبي الفنانة دينا الشربيني بسبب عدم ذكر اسمها أثناء الحديث عن نجاح الفيلم ونسب الأمر لنفسه فقط وليس لفريق العمل.

تامر حسني يستنكر انتقادات فيلم تاج

ونشر تامر حسني عبر خاصية ستوري تعليقاً قال فيه: "فيلم "تاج" تم بيعه بنجم شباك 1، مش تجميعة نجوم، ودي حاجة تحسب للفيلم وبعملها كل سنة الحمد لله، وكونه نوع جديد للسينما العربية يحسب للفيلم برضه، الفيلم الحمد لله تم توزيعه النهاردة عالمياً أكيد دي حاجات بتزعل بعض ضعاف النفوس... ولكن واقعها على الناس العقلاء جميلة اللي بيتمنوا الخير لابن بلدهم اللي حاجة زي كده بتشجعهم إن مفيش مستحيل ولا يمكن نبقى حافظين مش فاهمين".

واستنكر تامر حسني الهجوم عليه من أشخاص وصفهم بغير الأسوياء قائلاً: "وكمان بقى بجتهد وبألف وبخرج، زمن غريب والله بنلوم المجتهد اللي بيألف وبيخرج وسايبين الكسلان وضعاف النفوس، يكفيني شرف أن الفيلم العربي صاحب أعلى إيرادات في تاريخ السينما العربية دولياً إنتاج مصري هو فيلم من إخراج تامر حسني، فيلم بحبك، تفتكر دي وقعها على الودن عادي؟!!! لا طبعاً، هي مؤلمة أوي بس مؤلمة لغير الأسوياء، وجميلة للعقلاء اللي بيتمنوا الخير لابن بلدهم اللي حاجة زي كدة بتشجعهم إن مافيش مستحيل ولا يمكن نبقى حافظين ومش فاهمين".
تامر حسني يوجه رسالة لياسمين عز

ووجه تامر حسني حديثه إلى ياسمين عز بعد دفاعها عنه قائلاً" "أحب أطمنك يا ياسمين إنه لا يصح إلا الصحيح وخلّي بالك الجمهور ذكي جداً ويمكن بسبب الحملات الساذجة دي الجمهور زاد طلبه على الفيلم لأن الحملات زادت فضول الناس إنها تروح الفيلم عشان تحكم بنفسها، ولما راحوا عجبهم الفيلم بدليل إيراداته الضخمة".

وتابع قائلا: "لو جبت أهم شركات في العالم عشان يقدّموا فكرة بالذكاء ده عشان أعمل دعاية لفيلمي مكانوش هيوصلوا لربع المفعول الإيجابي اللي عملوه الحملات واللجان المأجورة في إثارة فضول الناس إنها تروح تشوف الفيلم والله مفعولهم مردوده أقوى من الدعاية اللي بندفع فيها فلوس".

واختتم تامر حسني  حديثه: "بالمرة نشيل من على شركة الإنتاج باند الدعاية عشان مكلف أوي بصراحة ونسيبه على المغيوظين هما يدفعوه ربنا ما يقطع لهم عادة أحب أفرحك أكتر يا ياسمين فيلمي اللي جاي تصويري كمان، شكراً لدفاعك عن الحق يا أحلى ياسمين".

تسبب حديث تامر حسني في انتقادات البعض له معتبرين أنه أنكر مجهود زملائه المتواجدين في العمل من بينهم الفنانة دينا الشربيني حيث لم يذكر اسمها رغم مشاركتها البطولة معه.

قد يهمك أيضــــــــــــــــًا :

الفنان تامر حسني يُقرر تقديم جزء ثاني من فيلم «تاج»

نظر دعوى تامر حسني ضد المنتج وليد منصور