تارا عماد وأحمد مالك يكشفان حقيقة وجود علاقة عاطفية بينهما

حل الفنانان تارا عماد وأحمد مالك ضيفين على الإعلامي الإماراتي أنس بوخش في برنامجه "ABtalks"، حيث كشفا عن حقيقة وجود علاقة عاطفية بينهما، مؤكدين أن علاقتهما التي حيّرت الجمهور، خاصة مع التفاهم والانسجام الواضح بينهما تخرج عن كونها علاقة رومانسية، وأن هناك ما هو أعمق من مجرد زمالة أو تعاون مهني.

وكشف مالك وتارا، كواليس علاقة بدأت منذ الطفولة وتحولت الى رابط إنساني نادر، حيث تحدثت تارا عن مالك قائلة: "أنا بحب أحمد من قلبي... بجد! هو واحد من أكتر الناس اللي ساعدوني وألهموني في حياتي، ومكانوش بس موجودين علشان يقفوا جنبي وقت ما كنت محتاجة للدعم، لأ... ده خلاني أشوف الدنيا بمنظور مختلف".

أضافت: "أنا بعتبره أخويا، وهو عارف كده كويس هو أكتر شخص شجعني إني أبقى على طبيعتي، وأثق في نفسي وأنا فخورة جدًا بعلاقتنا، وبحب الطريقة اللي أحمد بيهتم بيها بشغله، إزاي ممكن يقعد يفكر في جملة واحدة علشان يقولها بشكل أحسن هو دايما عايز يتطور، وده بيلهمني جداً".

في المقابل، تحدث أحمد مالك عن علاقته بتارا عماد، مؤكدًا أنها علاقة صداقة متينة ومليئة بالتقدير والإعجاب، لكنه شدد على أنها خالية تمامًا من أي طابع رومانسي.

وقال عنها: "أنا وتارا بقالنا سنين صحاب، وعلاقتنا دايمًا كانت أفلاطونية تمامًا، يعني من غير أي حاجة رومانسية، أنا وهي بدأنا مع بعض في التمثيل.. وبقينا في نفس الشركة كمان.. يعني ساعات الحياة بتحط حد في طريقك يكون سند".

أضاف: "تارا عندها سحر كده، بيخلي أي حد يشوفها ينبهر بيها من أول مرة اشتغلت معاها، حسيت إنها عندها روح جميلة ونور جواها هي بتهتم بالناس، بالحيوانات، بالمجتمع... وفي حاجات كتير بنختلف فيها، بس برضه بنتقابل في حتة عميقة جداً".

وختم مالك حديثه: "أنا وتارا بدأنا التمثيل وإحنا صغيرين، وشوفنا حاجات كتير سوا، وده خلى في بينا رابط خاص، بنفهم بعض من غير كلام، الناس دايما بتتكلم عن الحب اللي بين ولد وبنت، بس قليل قوي اللي بيقدروا يشوفوا جمال الحب اللي في الصداقة الحب ده كبير، ومش لازم يبقى فيه رومانسية علشان يكون حقيقي أنا بحب تارا، وباحترمها جدًا... وهي حد مهم جدًا في حياتي".

قـــد يهمــــــــك أيضــــــاُ : 

تكريم أحمد مالك بجائزة هيباتيا الذهبية في مهرجان الإسكندرية للفيلم القصير

انتهاء تصوير فيلم «6 أيام» لأحمد مالك وآية سماحة