تصريحات غادة عبد الرازق عن علاقتها بالجمهورها

كشفت الفنانة غادة عبد الرازق عن سعادتها بتعليقات الجمهور لها بعد نجاح حكاية "تحت الحزام"، من مسلسل "حدث بالفعل"، كما تحدثت عن صراحتها الشديدة مع الجمهور، قائلة: "صراحتي ساعات كانت مؤذية وأذتني شخصيًا".

وقالت غادة: "فيه ناس بتقولي إنتِ حوت تمثيل وفيه ناس تقولي إنتِ غول تمثيل، وفيه ناس تقولي إنتِ الشخصية بتركبك لدرجة إن إحنا بنخاف منك.. وكل الجمل دي بتخليني أتمسك أكتر بالشيء اللي أنا بحبه".

وعن متابعتها لتعليقات الجمهور دائمًا، قالت: "بحب أسمع التعليقات.. أنا لازم أسمع من جمهوري كل شوية.. أنا بحبك إنتِ شاطرة إنتِ لسه ممثلة محتفظة بالرونق اللي إنتِ فيه لازم أسمع ده، لإني لولا الجمهور بيقولي كده معرفش أكمل".

واستكملت غادة حديثها قائلة: "الجمهور بيقولي إنتِ ممثلة هايلة وشاطرة وبنحب شخصيتك وحبك لبنتك وأحفادك، وبنحب إن أنتِ بتظهري على حقيقتك، وبنحب إن إنتِ صريحة، وساعات صراحتي مؤذية وأذيتني شخصيًا".

وعن تعرضها لمشكلات شخصية، قالت: أنا بني آدمة زي أي حد وعندها مشاكل زي أي حد، وممكن أمر بأزمة مالية زي أي حد.. وممكن أتعب وأروح المستشفى زي أي حد وممكن أكون قاعدة في البيت عندي حالة اكتئاب ولامة شعري وقاعدة على الكنبة.. وممكن أقعد على الكنبة لمدة أربعة أيام ولا استحميت ولا قمت.

قد يهمك أيضا:

غادة عبد الرازق تكشف سر ظهورها المتميز في جلسات التصوير

غادة عبد الرازق تنتقد الحديث عن زواجها مجدداً