arablifestyle
آخر تحديث GMT 09:59:59
لايف ستايل
لايف ستايل
آخر تحديث GMT 09:59:59
الاثنين 14 تموز / يوليو 2025
لايف ستايل
أخر الأخبار

الرئيسية

إلهام شاهين تكشف موقفاً صعباً مع نور الشريف

لايف ستايل

لايف ستايلإلهام شاهين تكشف موقفاً صعباً مع نور الشريف

الفنانة إلهام شاهين
القاهرة- لايف ستايل

خلال ندوة تكريمها، ضمن فعاليات "مهرجان الإسكندرية السينمائي لدول البحر المتوسط" المقام حالياً، كشفت الفنانة إلهام شاهين عن كواليس عملها مع الفنان الراحل نور الشريف، موضحة أن مهنة التمثيل صعبة للغاية، وأنها تعرضت مراراً للموت ولحوادث خطِرة.

وقالت إلهام: "كنت هموت على إيد نور الشريف في مسرحية "كاليغولا"، مهنتنا صعبة أوي بجد، أنا اتعرضت للحرق والغرق واتقلبت بيا عربيات في أعمالي، اتعرضت للموت كتير أوي".

وأضافت: "ساعة اتحرق شعري اتحرق بجد، ومفيش علينا تأمين ولا أي حاجة، كنت بصور في فيلم مع نور الشريف وحطوا غاز بالغلط في الطرحة اللي على شعري، ولما بدأوا يصوروا فجأة لقيت النار في شعري، وواحد من الناس اللي المفروض يدخلوا الأوضة في المشهد شدّ الطرحة والضفاير اللي متركبة عشان يلحقني ويا عيني النار مسكت فيه... كان بتاع المطافي موجود معانا في المشهد، ولما سألوه ليه مطفتهاش؟ قالهم بلّغوني إني أتدخل لو حصل حاجة للديكور لأننا كنا بنصور في مبنى التلفزيون... يعني لو لبست النار في فنانة عادي لكن لو في ستارة هيتدخل، وحلقت شعري وفضلت سنة بلبس باروكات".

وتطرقت إلهام شاهين في الحديث الى محور آخر، حيث أكدت أن القَدر أنقذها من الإخوان، بالقول: "كنت في يوم رايحة الكنيسة، ولكن العربية اتعطلت مع إنها جديدة، والطريق كان طويل لمكان الكنيسة ووصلت متأخرة، ولما وصلت وجيت أعتذر قالولي الحمد لله إنك اتأخرتي، وكانوا فاكريني اتأخرت قاصدة بسبب اللي حصل".

وأضافت: "اكتشفت إن الإخوان كانوا عاملين مظاهرة ضد إلهام شاهين قدّام الكنيسة، ولما اتقبض عليهم أنا كنت وصلت، فالقدر أنقذني".

وعن قرار الاعتزال الذي اتخذته، عقب تصريحات سابقة لها بأنها تنوي الاعتزال بعد أن تشارك في 100 فيلم سينمائي، وقررت حينها ألاّ تخبر أحداً بهذا القرار، ثم تراجعت عنه بعد ذلك، قالت إلهام شاهين: "عملت 101 فيلم، فيلم "يوم للستات" كان الفيلم رقم 100 بالنسبة لي، كنت وأنا صغيرة بقول نفسي أعمل 100 فيلم زي ما بيقولوا في أعياد الميلاد عقبال 100 سنة، وبعد الـ100 فيلم قُلت طب أبطّل بقى!؟، عملت كل الشخصيات والأنماط، عملت أفلام تقيلة وليها تقلها وملفتة للنظر، وقُلت المفروض أبطّل من غير ما أقول اعتزلت ومش عايزة أكرر حاجة، لكن أنا مجنونة بالفن".

وأضافت: "في التلفزيون عملت حوالي 50 عمل، وبعدين قولت كل ما ألاقي دور معملتوش هعمله، وفي التلفزيون بيبقى فيه تطويل وملل في الغالب، ولقيت جديد في حكاية ألفريدو، والسنة اللي فاتت لقيت دور زعيمة داعش، وكاملة أبو ذكري قالتلي فيه دور محدش يعمله غيرك، فقولت إزاي هعمله ده أنا صاحبة أدوار مضادة لكل التيارات المتطرفة... فاتهاجمت بقوة وبقيت مستغربة إني بمثلهم، وبقول هما بيعملوا إيه متضايقين ليه!؟، ولكن دول أصلاً أبعد ما يكونوا عن الدين والإسلام، فأنا سعيدة بتاريخي الطويل وإني اشتغلت مع أساتذة في بدايتي".

قد يهمك أيضا:

نبيلة عبيد تهنئ إلهام شاهين بتكريمها في مهرجان الإسكندرية

إلهام شاهين تعيش حالة نشاط سينمائي

arablifestyle
arablifestyle

الإسم *

البريد الألكتروني *

عنوان التعليق *

تعليق *

: Characters Left

إلزامي *

شروط الاستخدام

شروط النشر: عدم الإساءة للكاتب أو للأشخاص أو للمقدسات أو مهاجمة الأديان أو الذات الالهية. والابتعاد عن التحريض الطائفي والعنصري والشتائم.

اُوافق على شروط الأستخدام

Security Code*

 

إلهام شاهين تكشف موقفاً صعباً مع نور الشريف إلهام شاهين تكشف موقفاً صعباً مع نور الشريف



GMT 08:51 2020 السبت ,02 أيار / مايو

لا رغبة لك في مضايقة الآخرين

GMT 13:13 2019 الإثنين ,11 تشرين الثاني / نوفمبر

تنشغل بعمل في اليوم الأول وتضع مخططات وتوجه الآخرين

GMT 10:33 2024 الخميس ,21 تشرين الثاني / نوفمبر

أجمل موديلات فساتين سواريه للمحجبات في شتاء 2025

GMT 09:56 2017 الجمعة ,08 أيلول / سبتمبر

سهير رمزي تؤكد أنها طوت صفحة المشاهد المثيرة

GMT 15:15 2019 السبت ,30 آذار/ مارس

2- اجواء متقلبة في الجزء الأول من الشهر

GMT 12:50 2020 الإثنين ,29 حزيران / يونيو

تسريحة الضفائر العصرية على خطى النجمات

GMT 12:35 2018 الثلاثاء ,23 كانون الثاني / يناير

"DEN OF THIEVES " لجيرارد باتلر يحصد 15 مليون دولار في 3 أيام
 
arablifestyle

Maintained and developed by Arabs Today Group SAL
جميع الحقوق محفوظة لمجموعة العرب اليوم الاعلامية 2025 ©

Maintained and developed by Arabs Today Group SAL
جميالحقوق محفوظة لمجموعة العرب اليوم الاعلامية 2025 ©

arablifestyle arablifestyle arablifestyle arablifestyle