تُنهي العلاقة وتُكوّنها من جديد بمزاجها!

المشكلة : السلام عليكم من مده بحدود ٥ سنوات كنت طالب جامعه وعمري بحدود ٢٢سنه طبعا كعائله بشكل عام غالبا الزواج التقليدي شائع ونادرا ما نسمع عن زوج حب وعلاقه قبل الارتباط ردت ان اطلع من هذا الوضع واتزوج الي احبها مو ما تختاره امي بمرور الايام عجبتني طالبة والي شفته كذالك هيه تبادل نفس الشي واحنة بنفس العمر قررت انو ما ادخل بامو حب وغزل وتالي أتركها قررت انو اتاكد من موافقتها واتقدم رسمي بعد ما نتفق على امور اساسية حسب ما وصل وسمعت منها شخصيا ماعدها اي مشكله وبيت اهلة موجود بس ايام وتغير الموقف وبدة التهرب والانسحاب وانتهى الموضوع بعذر تافه كان وقتها قريب التخرج ومرت الايام وبديت اكون نفسي وحصلت وضيفة وكذالك هية لحد ما قبل سنه قررت اكمل دراستي وهنا الحض النحس صرنا بنفس الكورس الدراسي وطبعا تجاهلت وجودها لحد ما هيه دخلت عن طريق وسائل التواصل وحاولت لايام تقنعني انو اساعدها بالدراسه لان كنت متفوق وقبلت على شروط فقط دراسة والثاني اي وقت سمعت مرتبطة انهي الموضوع من يمي لان ما احب اتعامل او احجي مع وحده على ذمة شخص مثل ما اقبل على نفسي هذا الشي وقبلت بالشروط استمرينا فتره بصورة رسميه لحد ما تمكنت وفرضت نفسها وبدت تحجي بمشاكلها وانو هيه مريضة وصهتها متدهورة وعصبية لحد لا يطاق وفعلا كل ما حصلت فرصه نبشت الماضي وتذكر انو ضحكت عليه وتركته بنص الطريق ومثل ما ذكرت هيه من رفضت بالبداية اخذت فترات تختفي بالاشهر وترجع احجي ويا شنو السب تقول اعتبرني ما موجودة اصلا بالنسبه الي وصلت حد وعرفت هية مرتبطة قررت انهي كلشي وفعلا بلوك من كل مكان بس الغريب انتهت السنه ومن مده اجت من حساب ثاني وتتوسل انو اسامحها على الي سوتة والمفروض اتقبل واقعها وانو هية صحتها ونفسيتها تمام تعبانه من حياتة بس بعدة عرفت هيه منفصلة من الشخص طبعا ما كان عندي حل غير اطردها وارجع الحضر وانهي الموضوع شنو تنصحوني اذا رجعت من جديد

الحل : الامر واضح جدا انها تحب هذا الشاب وتتالم منه وعندما تكون علاقتها به مستقرة لا تسال عنك وعندما تحدث المشامل وتنفصل تبحث عن بديل حتى لا تشعر بالوحده وبالتاكيد هذا الموقف لا يروق لك ولا تقبله على كرامتك لذا احظرها ولا تسمح لها ان تخترق حياتك مرة اخرى