عاد لقلبي نبضه بعد أن سمعت صوت طليقي

المشكلة : السلام انا تزوجت ١٢ سنه وما خلفت وهو تزوج. ما تحملت حياة النص وتطلقت.. وانا تزوجت كمان لشخص كل معاني الاحترام بتتجسد فيه. طليقي انجب طفل واحد ولحد علمي مبسوط بحياتو. قبل فترة بعثلي مع صديقة سلام وصديتها. وثاني يوم لقيتو ناطرني بموقف السيارات بمكان شغلي. انا بدون اي كذب يمكن الي بيحبن يحسن انا شو شعرت لحظتها. والله قلبي ذاب لمن شفتو. كل سنين العمر شفتهم قدامي . بحبه مش بأيدي عشت معاه ١٢ سنه بس انقهرت كتير لمن تزوج وتفارقنا. يا الله بهالكم سنه شو متغير! وحكينا مع بعض شوي.. من ضمن الكلام قالي "صح صار عندي ولد بس فقدت اغلى شي بحياتي ياريت ما وصلنا لهالمواصيل". وعرفت انو هو ومرتو بالمرة مش متفقين وهي عند اهلها من قبل رمضان. اتصل علي قبل يومين وحياة ربنا سكرت الخط على طول. انا على ذمة رجل المووووت اهون علي اني اخون انسان طيب فتحلي قلبو وبيتو. ولاقيتو كاتب رسالة انو بيتمنى انو نرجع لبعض. ومن يومها ونا مخي مش معي. صرت بتخيل قال وانا بداري الي زمان وكيف حياتنا الي قبل!! ومش هاين علي زوجي هسه يمكن لو احكيلو بدي نتطلق الا ينكسر خاطرو لانه فعلا مر بظروف مش طبيعية. وحرام بيعاملني بما يرضي الله بس بكل مصداقية بحبو كزوج.. كشخص بشوفو يوم يوم وعايشين مع بعض حب عشرة فقط. بس طليقي غير .. من لما شفتو. شي بقلبي نبض تجاهوو ...وخلص اتخذت قرار قريبا رح اقول لو نتطلق.. كل ما بتخيل كيف ممكن زوجي هسه رح يحس لمن يعرف اني رجعت لطليقي بالوقت الي هو دعمني وحبني وتزوجني وعاااوني وكنا ناويين نتبنى طفل وحضرتي اعملو مفآجأة اني رجعت لطليقي. خايفة يدعي علي. خايفة اظلمو. خايفة طليقي تكون مغيرتو الحياة تردد وتشتت غريب بمخي

الحل : الاهم ان لا تخونيه، واذا كنت تريدين الطلاق اطلبي منه الان ، الجرح سوف يحدث عاجلا او اجلا، وانا لا اقول هذا من اجلك فالخطأ خطأك وخطأ طليقك ، وهذه مشكلتكما ، ولكن ما يهمني هو زوجك لأنني اراه المظلوم في هذه القصة