مهنة والدي متواضعة وأشعر بالخجل

المشكلة : انا مشكلتي هي ابوووي ، سائق باص ؛ ابوي فقير وماعنده شي غير راسه ومن كبرت وعرفته وهو يدور اشغال وكل مره يشتغل شغله وطبعاً ماعنده شهادات ولا شي ويشتغل اشغال صعبه ومفشله الحين صار له سائق باص سنتين وانا متفشله منه ومنعته لا يسوق فالبنات يسوق بالاولاد بس ، ولما يسألوني صديقاتي عن شغلته اقول يشتغل ف مكتب واكذب عليهم والفلوس اللي يصحلها يالله تسد الايجار واغراضنا ودائماً نحتاح ومايقدر يوفر لنا شي قلت له دامك ماتقدر تصرف علينا ليه متزوج ومخلف لو ظليت عازب احسن جينا لهالدنيا وانظلمنا ! اشذنبنا انه ابونا فقير وسائق باص ،، من فتره مرضت بالجامعه واتصلو فيه وجاا الجامعه بالباص وكل البنات شافوه انا انقهرت وتفششلت وخاصمته ثلاث ايام قلت ليش تفشلني وتجي فوق الباص الحين كلهن يعرفن انك سائق بااص قال خفت عليك ومافكرت ارجع البيت ابدل السياره وررربي انقهرر يحاول يكون اب حنون لاكن وش ينفع الحنان وهو ماعنده فلوس عاش فقير وبيموت فقير لاكن احنا وش ذنبنا نبي نعيش زي باقي الناس وش ذنبنا انه سائق باص حسبي الله ، من قوة الفششله تركت الجامعه مالي وجه اطلع قدام صديقاتي واقول ابوي سائق باص ،، مدري الى متى نتحمل الاباء الفقراء ووش الحل معهم !

الحل : اهلا بك يا ابنتي والحقيقة انك مخطأة جدا جدا وربي يغفر لك خطاياك اولا هو ابوك وتأدبي حينما تتكلمين عليه وعنه ومن اوصلك لتذهبي للجامعة وفنى عمره وهو يعمل ويحاول، وهو ليس ذنبه ان ابوه لم يدلله ويعلمه كما يفعل بك، وبدلا من ان تنهي تعليمك وتنهضي به وتساعديه وتعينيه وتتحملي مسؤولية نفسك تركت الجامعة لتكوني فشل اخر بل وفشل من يديك وبقرارك، ومن برايك اهم ان تنجحي وتفرحي ابوك بانه استطاع رغم ظروفه وجهله وقلة تعليمه ان يخرّج بنت من الجامعة لتسند نفسها واخوتها ان حصل له امر، انت من يعاني من الفشل وليس ابوك، ابوك على الاقل يحاول ويبذل جهده وانت تسعين وراء المظاهر ولا ادري ما المخجل من مهنة سائق باص، هو عمل شريف ويرضي الله وبعرق جبينه، وبدلا من ان تكثري له من الدعاء وتتفاخري به وتقبلي يديه وتدعي له بالرزق والرحمة تتطاولين عليه!!! قومي واستغفري ربك واستعيذي بالله من شيطان نفسك لأن الشياطين مصفدة في رمضان، واغسلي وجهك وقبلي قدمي ابوك وليس فقط يديه وعودي لدراستك وتفاخري به وارفعي راسك وكل ما انت به من بعد الله من تعبه وشقاه، وعلى الاقل اكسبي رضاه ليفتح الله عليك فتحا مبينا، وربي يعينك ويوفقك.