فجأة وبدون سابق إنذار خطيبتي تغيرت!

المشكلة : أعاني من قلة أهتمام خطيبتي و تغيرها المفاجئ السلام عليكم. بدي حل لمشكلتي و صرت محتار شو اعمل انا شب عمري 26 خاطب من ثلاث شهور. تعرفت على خطيبتي بالصدفة و عطول طلبتها و كانت الموافقة من الجميع و الرضا التام من العائلتين وعملت خطبة مع العلم ما عقدت عليها. في تفاهم ببنا صحيح انها صغيرة بالعمر بس فهمانة و عقلها اكبر من عمرها حنونة و على قدر من الجمال و الادب و الاخلاق و اعترفتلي بحبها و انا كنت احس بحبها اتعلقت فيها و حبيتها من قلبي كنا نقضي ساعات على الجوال و الرسائل يعني بشكل عام كل اشي على اجمل ما يكون. فجأة و بدون سابق اذار تغيرت معي. كلشي انعكس سبلي من اتجاهها. بطلت تهتم فيني صارت تتجاهل و تتهرب لدرجة انو رحت ازورها و هي تحاول ما تدخل الغرفة الي كنت قاعد فيها. بطلت تتصل و لا ترد عجوال الا بعد اكثر مرة و اتكون ساكتة ما تحكي و احيانآ تبكي و تنهي المكالمة و صار ردها خفيف و جاف و احيانآ جارح. مع العلم انو انا بعاملها بكل احترام و تاركلها مساحة خاصة و معطيها كل حب و ما مقصر معها باشي ولا بأي طلب . صرت افكر ليش صار هيك شو السبب. صار عندي وسواس اكثر من مرة حاولت افتح الموضع معها و افهم لكن بكل مرة تحكي ما في اشي و تغير الموضوع و تتهرب. حكتلها اذا ما بدك اياني انا من طرفي بنهي الخطبة وكان ردها لا بدها اياني. انا بصراحة مقهور و مش عارف ليش صار هيك. شو بتنصحوني

الحل : ربما كان لديها مشكلة نفسية او مشاكل في العائلة ، ارجو منك ان تتتحدث معها بهدوء وتتفاهم لعلها تعترف لك ، انت تقول ان سنها صغير وربما كانت مراهقة والمراهقة سن يتميز بالتقلبات المزاجية وغيرها من الامور تحملها وحاول ان تعلم السبب