هل يجب الانفاق على الاهل؟

بعاني من اهلي من وقت لوقت لاعطي خصوصي واخد مصاري اغلب المصاري بحطهم لاخوي لجامعته واوقات كتير بجيب اشياء للفطور وصرت هلا بدي احسب حساب جرة الصوبا ماشي اهلي عالعين والراس بس انا تعبت نفسيا كل ما حدا يجيب اشي ما بقبل يعطي ببيعني بيع قال انا بشتغل ... قعدت وقت بدون شغل وحسيت قديه انا مهمله حالي وما حدا حاسس او معطي اهميه اني كل شغلي وتعبي بروح وما بستفيد منه اشي مش قادر اكون انانيه شوي ومش قادر اعرف كيف اتصرف يا دوب باخد مصروف من المصاري اللي بتصحلي . بعدين ابوي عايش ومو بحاجه بس بخيل كتير . وامي اهم اشي عندها اخوي وجامعته وكتير بيجيبو اشياء واذا ما كنت موجوده بنفس الغرفه ما بحسبو حسابي انا تعبت حتى اواعي اللي وقت ما شريت وبس اشتري اشي بحسب حساب خواتي وامي هل يجب الانفاق على الاهل؟ كيف اوزع المصاري اللي بتصحلي بدون ما اندم بعدين ؟

اهلا بك يا ابنتي وانت لست ملزمة بالصرف على العائلة لان ابوك على قيد الحياة ومعه مال وهو رب العائلة والمسؤول عنها، وكلما راى اي مساعدة من احد كلما زاد بخله وتقتيره في صرف المال، واعلمي ان النفقة ملزمة مع القوامة فالأب والزوج والأخ هم المسؤولون عن النفقة، ولا تنفق المرأة الزوجة ولا الابنة من مالها حتى لو كانت غنية الا برضاها وطيب خاطر منها وتعاون على المعروف. وانت لوالديك عليك حق البر بهما، ولهذا ارى ان تهتمي بقرشك وتتركي مبلغ جانبي مهما كلف الامر للمستقبل فلا تعرفي كيف يتغير الزمن عليك ويجب ان تهتمي بنفسك وتطوير ذاتك ليتحسن عملك، ووالدك ملزم بنفقة العائلة، واخيك الطالب في الجامعة يقدر ان يعمل اضافة لدراسته ويعيل نفسه وامه، وانت لك ان تبري والديك بمبغ من المال لافراحهما وليس الزاما، كوني قوية واعرفي كيف تدبري امورك وتستمتعي بقرشك من تعبك، وان صرفت اي مبلغ على اهلك اجعليه في سبيل الله ولا تتبعيه بالمنة والأذى فتفقدي اجر الاحسان وربي يوفقك.