كل واحد منا يفكر بطريقة مختلفة وهذا الشيء يخوفني

المشكلة : سلام عليكم من فضلكم عندى مشكلة مع خطيبى ومش عارفة احلها ... انا شخصية متفائلة وواثقة فى ربنا فى ابسط الأمور ومبحبش التشائم او التذمر فى اتفه المواقف ومحبة للحياه بشكل عام وبحب اتبسط وابقى سعيدة وابص للجانب الاجابى فى الامور على قد ما اقدر ... مشكلتى ان خطيبى عكس كدة تماما ... هو بيفكر كتيييير طول الوقت واى حاجة نعملها لازم نفكرلها حتى لو بسيطة جدا حتى لو هنتقابل نص ساعة ... لازم يخطط ويفكر ... كمان هو اغلب الوقت زهقان ... الضبح وهو رايح شغله قرفان عشان رايح الشغل وبيرجع من الشغل قرفان ... واى ترتيبات للجواز عموما بيبقى زهقان ... بيشيل هم كل حاجة واى حاجة ... بيزهق من العمال ويزهق اننا ننزل نسأل عن اغراض محتاجنها .. وبيفكر طول الوقت فى الجانب السلبى للامور بحجة انه لازم يفكر فى اسوء حاجة عشان يتفاداها ..... انا ببقى متفهمة احيانا انه مضغوط مثلا من مسئوليات او ما شابه ... بس المشكلة انه فعلا طبع ... التفكير والتخطيط مختلف جدا بيني وبينه والاحباط طول الوقت منعكس عليا انا بكل حاجة وحشة ... بيحطبنى ويبوظ فرحتى بالحاجة وبيهز ثقتى فى الحكم على الامور ... وبقيت كل يوم اخاف اكتر مش عارفة هنعيش مع بعض كدة ازاى ... هو معندوش روح ... وانا تقريبا روحى كمان بدات تروح ... انصحونى اعمل ايه ؟

الحل : عليكي يا ابنتي العزيزه ان تتمسكي بخطيبك فلا يجب ان تكونوا متشابهين تماما فهذا ليس شيئ جيد بل يجب ان يكون بينكم الاختلافات حتى تكملوا بعضكم البعض فلا تقلقي من انه حذر من المستقبل فالحياه تتطلب الحذر ويجب ان تكوني بجانبه حتى اذا وقع يجدك سندا له