ممزقة بين مستقبلي وخوفي أن تنساني ابنتي!

كنت اعمل في الإمارات كمهندسة و زوجي يشتغل شغل حر و ووضعه مو بزيادة...حملت و اضطريت اترك شغلي و ارجع على الأردن.. ولدت بنوته بتجنن الحمدالله هلأ عمرها شهرين... لكن الوضع كالتالي: رجع زوجي بعدي على الأردن و هو مديون.. قعدنا عند اهله فتره طويله ل شهر و نص بعد ولادتي و بيت اهله ديوانية ناس فايته و ناس طالعه يعني، و شباب إخوانه و غيرهم نايمين بنفس البيت و هو بيت صغير عيشه لا تحتمل..كل يوم نقله اطلع اشتغل و استرزق ببلدك بما أنه "السوق في الإمارات نامي و ما في شغل" حسب كلامه ..لكن بدون فايده .. كتير من اهله حاولي يساعدوه بأن يلاقوله شغل خصوصا أنه هو فني أجهزة تليفونات كمبيوترات لكن بدون فايده..كل مره بتلاقي عيب بالشغل..صارت كذا مشكله و والده أعطى وعد لوالدتي أنه يشتغل كان المفروض بعد رمضان لكن ما في شي من الوعود انوفى...انا رجعت ع بيت جدي نايمه عندهم و هو رجع ع الإمارات لكنه لهلأ بقاله أسبوع مو عارف يطلع يا دوب مصروفه ع أساس راح يشتغل و يبعتلنا مصروف... خلال هي الفتره منحة أكمل دراستي باوروبا و ما بتتاجل ..كنت مقدمتها من قبل و هو انبسطت و شجعني كتير بس المشكله بنتي الصغيره لو بدي اخدها ...لان ما بقدر هو يطلع معي بسهوله لبعد فتره و تانيا التكاليف الي بدها تترتب ع البنت من تأمين صحي و سكن الي و الها و مصروف هناك الخ علما اني لو رحت لحالي كل شي مأمن ع حساب المنحه الي،فقط! ..طبعا جوزي سامعه بقول عيني رح اشتغل مشان اامنكم و عم بحاول سامعه بقول اتركيها عند امك ولا عند اختي!! انا محتاره خايفه اخدها و خايفه أتركها ..خايفه تنساني ..انا أمي بأمن عليها بس برضه هي رح تنضغط لأنها موظفه حتى لو حطيناها بحضانه..انا ما فيني أحل المنحه و برضه انا ما الي بيت اقعد بالاردن هلأ و بيت اهله ما يتعلق فيه و بيت جدي بيت العيلة و لو لقيت شغل ما بيكفي شغلي ايجار و عيشه الي و ابنتي بالاردن و الإمارات ما يطلع الا وظيفه محترمه تأملنا إقامات الي و البنت لآنه غير هيك مكلفه جدا الحياه هناك..والله انا محتاره و بنفس الوقت عم قول لحالي اطلع أكمل دراستي مشان اامن مستقبل الي و البنت بفكر بأمن رجعت و اشتغلت بالمجال الاكاديمي درست الهندسه بالجامعات بالخليج و تحسن وضعنا و قلبي عم يتقطع لمجرد فكره اني اترك بنتي .. زوجي بس حكي ووعود ..انا تعبت

م تحددي مده هذه المنحه فهذا امر محوري لتقرري، فكري جيدا فيها وفي الخبرة التي ستقدمها لك ولا تخسريها . اقترحي على زوجك السفر معك ومع ابنتكما ليساعدك في العناية بها وليكتسب خبره في عمله هناك ، تفيده في المستقبل . هو لا يعمل بوظيفه ثابته في الإمارات كما تقولين ، فلن يخسر شيئا بل بالعكس قد يجد فرصه جديده وقد تبقيان بعد المنحة لو استطعتما أن تجدا عملا مناسبا ، فتجتمع العائلة ، وتربحين المنحة وتفتح أمامكما آفاقا جديده . لا تتركي ابنتك مهما كان قرارك فإما تبقين معها أو تسافرين معها ، ادرسي خطوتك الجديدة جيدا وتناقشي فيها مع زوجك بهدوء ، افهمي جيدا شروطها ، اسألي عن الحضانات لطفلتك ، اسألي عن إمكانيه إيجاد عمل لزوجك ، ولا تجازفي بالسفر قبل التأكد من كل المعلومات.