جاتئني محادثة على الماسنجر من مجهول تقول أن زوجتي خانتني

زوجتي خانتني عرفت الكارثة من حوالي 3 اسابيع جالي محادثه على الماسنجر من مجهول باختصار بعتلي مكالمات مسجله لزوجتي معاه فحواها إنها على علاقة بيه وعملت علاقة معاه اكتر من مرة وعرفت منه ومنها بعد ما واجهتها انهم يعرفوا بعض من أربع سنين وهو بعتلي المكالمات دي عشان هي سابته عشان واحد تاني وهو هددها لو أتأكد أنها بتكلمه حيقولي على كل حاجه طبعاً أنا كنت في حالة ذهول أولا لأني كنت فاكر نفسي عارف أخلاقها كويس وأنها بتحبني ومتجوزين عن حب وهي اصلا مالهاش في السكس ومش غاوياه يعني عشان تخوني بسببه مع إني برضه مش مقصر هو بيقول إنه عرفها في وقت كان في مشاكل بينا وكنا هنطلق وده حصل فعلا من أربع سنين طبعاً واجهتها بالتسجيلات انهارت واعترفت وقالت إنها كانت حاسة انه حيقولي عشان رفضت تكمل معاه الحكايه من أولها وعلى لسانها إنه كان سواق اوبر واخدوا تليفونات بعض عشان بتودي الاولاد الدروس كل يوم وهو أصغر منها بعشر سنين هي حالياً 37 وأنا 42 وبدأ يكلمها في التليفون وبعد ماحست بغلطتها بعدت عنه بس هو خلي واحدة تكلمها وتقولها انه مسجل مكالماته معاها ولو مكلمتوش حيقول لجوزها وهي عشان عارفة طبعي الغيور واني ممكن أطلقها بسبب حاجه زي كده خافت ورجعت تكلمه واستمر كلامهم في التليفون فترة طويلة وهو بدأ يحاول معاها تروحله البيت وفضل يزن عليها ويهددها لحد ماراحت 3 مرات على مدار السنين دي ولما ضاق بيها خالص ورفضت تروحله تاني وحاولت تسيبه اكتر من مرة بس كانت بتخاف من تهديده في كل مرة آخر مرة قررت انها تبعد مهما حصل وهي بتقول ان دي غلطتها الوحيدة ومفيش حد تاني طبعاً ضربتها وهنتها وكنت هقتلها هي حاولت تنتحر اكتر من مرة اخدت برشام كتير جدا وقطعت شريان ايديها وهي حالياً متقدرش تقوم من السرير بتتعالج وبقت تصلي بعد ما كانت مبتصليش وطالبة إني اسامحها واغفرلها المشكلة إني بحبها ومش قادر اصدق انها خانتني برغم إني خنتها بس بسببها عشان ماكانتش بتكفيني وكنت بقولها كده عشان تتحرك بس هي مالهاش في السكس أوي وسلمت أمري لله وبطلت خيانة وعودت نفسي على ظروفها معقول يكون ربنا بيعاقبني وبالصورة دي إني اسمع مكالمات مراتي مع واحد تاني بجد مش عارف أعمل ايه أنا عايش ميت ومش باكل وواخد اجازة من شغلي قاعد لوحدي مش عايز أشوف حد ومش عارف اعمل معاها ايه بحبها وفي نفس الوقت مش قادر أنسي أو اعرف حتي سبب خيانتها كل مسئلها تقول غلطة ومعرفش عملت كده إزاي آسف للاطالة وارجوكو انصحوني وعايز اعرف كمان شكلي قدامها ايه لو قبلت أرجع وأنا عارف إللي عملته وأنا راجع عادي وهل ممكن انسي وانسي إزاي وأنا حافظ مكالمتهم من كتر ماسمعتها وعمالة ترن في ودني كل ثانية انتقامك كان صعب أوي يا رب

السلام لا اريد ان ازيد همك واخبرك انت ايضا مذنب وانت ايضا لك يد وانك ربما لم تعفها ف الاهتمام او الكلام الطيب وانك فعلت ما فعلت واعتبرت حبها امرا مفروغ منه ولا تغيير فيه وهذا مايفعله اغلب الرجال،،، لكن النساء تتغير ايضا كما يتغير الرجال فانت ايضا تزوجتها عن حب ولكنك خنتها ولم تكتفي بل اهبرتها ايضا الحياة ايضا كالله تمهل ولا تهمل وكل انسان يحصد ما زرع... المهم انتما الان تعادل وكل واحد منكما ظلم الثاني امحي هذه التسجيلات واعتبرها غلطة كغلطتك وهي ايضا عليها ان تنسى حقا مابدر منك وان تقررا البدء من جديد بوعي اكبر وبعد تجربة مريرة لتحافظا على حياتك،ا وحياة اولادكما المهم انتما الاثنين تندمتما واستغفرتوا وهذا هو المهم فالله يغفر ونحن لا نغفر