زوجي هو من يتحمل مسؤولية البيت ومع ذلك لا أحبه

السلام عليكم ورحمة الله وبركاته انا متزوجه وعندي ولد والثاني في الطريق المشكله اني ما اقدر اتحمل مسؤولية ولدي والبيت لوحدي كيف اذا صاروا 2 مارح اقدر اربيهم الحين زوجي هو اللي يربي ولدي ياكله ويغير له ويرضعه ويلبسه وينيمه واذا مرض ما اقدر اسوي له شيء زوجي هو اللي يسهر عليه ويعالجه .. ما اعرف ليش انا كذا ولا اعرف كيف اهتم بزوجي انسى اغسل ملابسه اهو اللي يغسلها ويحط اكله ويهتم بنفسه احس اني تورطت في الزواج رغم اني مو صغيره عمري 29 بس مو عارفه ارتب اموري ثانيا انا ما احب زوجي رغم انه طيب وخلوق ويصلي ويخاف الله بس احسه ضعيف شخصيه وباارد لو اسبه لو ايش مايصير ما يزعل فيه بروده عجيبه ولا يدافع عن نفسه اذا تهاوشنا بس يسكت او يقول اوك زين ماعنده راي في اي شيء ولا مره حسيته رجال وكلمته من راسه .. مو هو اللي تمنيته زوج لي بس اخاف اذا تطلقت ما اقدر على تربية عيالي لوحدي لاني تعودت عليه يساعدني بالبيت والولد وماتعودت اشيل مسؤوليه لوحدي حلوها

انت لا تقدرين قيمة زوجك، غيرك يتمنى نصف ما يفعله زوجك، وصفك له مثالي، انت تبحثين عن عله فيه لتقنعي نفسك بأنه غير مناسب لك . اتقي الله في زوجك واولادك واشكري ربك على نعمته عليك وحاولي ان تحبي زوجك من كل قلبك وان تقومي بواجباتك ، هو يساعدك الان ولكنه سيمل من ذلك قريبا خاصه ان بقين على هذا الحال عندما يأتي المولود الجديد. حان الوقت لتلتزمي بمسؤولياتك ويكفيك اتكاليه ودلع ، حافظي على زوجك واحبيه فإن ضاق ذرعا بك فإنك لن تجدي رجلا مثله ابدا. فكي كيف يراك هو وستجدي ان عليك ان تكوني اكثر مسؤوليه حتى يحبك هو ويبقى معك.