زوجي ضربني أمام أهله

المشكلة:انامتزوجة من3أشهروأسكن مع حماتى فى بيت عائلة لكن لى شقةمنفصلةلوحدى وكنت أنزل لحماتى اخدمهاوأطلع إلى شقتى قبل مجئ زوجى أعمل أكلى وأنظف شقتى ومش عاجبهاعمايلى وتشتمنى واناراضيةوساكتةولم أقول لزوجى ولاأحد لحدماقالت لى فى يوم أن أنزل لهامن الساعة10صباحاوأجلس معها اليوم كله ونأكل ونشرب عندهاونطلع شقتناللنوم بس أن جايبك ليامش ليه هو تقصدزوجى أخدمينى انااومال جوزتواليه فرضيت عليهاقلتلهاان جايةلزوجى مش ليكى فزعلت فقام زوجى ضربنى واتصل بأخى وجه خدنى لبيت أبى فتكلم زوجى مع أخى وتم الصلح ورجعت تانى لبيتى ولكن لم أسلم من شرحماتى مطلقاوأشكى لزوجى منها ولكن هذا لم يعجبه فيضربنى فذهبت تانى لبيت اهلى ولكن هذه المرةذهبوااهلى معى وتكلموامع حماتى واتصلحت اناوهى ونزلت لحماتى من تانى يوم مصالحةولكن يبقى الوضع كما كان مثل معاملتهاالقديمةوهذه المرةكمان تدخلت بنتهامعاهافى المشكلة واولادبنتهاتكلمواعليافنزلت اتكلم مع امهم اللى هى اخت زوجى واعاتبهاازاى اولادك يتكلمواعليافوقفت هى وأمهايتشاجرون معى فخرج زوجى وضربنى أمامهم بالقلم فطلعت وسبتواودخلناالشقةوبعاتبواازاى تضربنى قدامهم تشاجرنى فقام بضربى تانى واناحامل فاتصلت بأمى وجاتلى هى واخى وتشاجراخى مع زوجى جامد وخذنى منه غصب عنه فجم أهله واهلى وتكلموامع بعض وأهله كلهم قالوا له انت غلطان متضربهاش واحكم بينها وبين امك لاما تأتى لهابشقةتانى بعيدعن امك وهو معجبهوش فمشيواحتى نفكرونردعليهم واناالان جالسةفى بيت أبى وافكرفى الانفصال عشان هومش هيجيب شقةبرةصعبان عليانفسى أوى لانى هتطلق بعد3أشهروحامل كمان

الحل :والده زوجك إمرأه قاسيه للغايه ومتسلطه ، من الصعب جدا أن تنالي رضاها ما دامت مقتنعه بأنها زوجت إبنها لتجد من تخدمها فقط . زوجك يضربك ولا يعطيك فرصه في الكلام أو الدفاع عن نفسك والضرب مرفوض تماما فما بالك وأنت حامل ؟ الإنفصال هو أفضل حل لك لأنه كما يبدو لا مجال للتفاهم مع أهله فإما يأخذ لك بيتا بعيدا عن والدته وإما يتركك . المهم أن يدرك غلطته في تعنيفك فمهما فعلت لا يحق له أن يتعدى عليك بالضرب ، واجب الزوج إحترام زوجته والتفاهم بالكلام بهدوء فإن لم يتفقا فالطلاق هو الحل مع الأسف .