علاقتي مع زوجي بلا إحترام

المشكلة: انا متزوجة من سنتين وزوجي صارت عنده ظروف عائلية صعبة نوعا ما ... بس وصلت لمرحلة مع زوجي انه بتعامل معي قدام اهله بدون احترام وكتير بحسسني انه اهله اهم بكتير مني ودايما قدام اخته بضل يهدد فيه اته ما اجي فيها وانها خط احمر مع انه بتعامل معها بكل احترام واهله نفس الشي بتعاملو معي كأني غريبة مع انه بحس لازم يعاملوني كأني بنتهم ... كتير بحس انه زوجي ما بحبني وصارحته بالموضوع اكتر من مرا وهو بنكر بس كل تصرفاته عكس هيك تماما .... صرت احس انه الحب بين الزوجين كذبة موجودة بالحكي بس على الواقع ما في ... انا وحيدة اهلي وكنت كتير اتمنى من زوجي انه يكون كتير قريب مني وصديق الي انه يعوضني عن وحدتي بس الي اكتشفته انه جد ما في حدى بعوض مكان اخوك او اختك .... مش عارفة شو احكي بس كتير تعبت من تعامله وتعامل اهله ...

حاولي اختي الكريمة أن تعرفي ما هو مفتاح زوجك كي تتقربي منه وتمتلكي قلبه وتشغلي وقته اعيدي زكريات مايسمي بشهر العسل مثلا أو غيري من روتين الحياة المعتاد وحضري له سهرات رومانسيه من وقت لاخر. لا تحترمي اهله فقط بل حاولي تحبيهم عشان تتقربي منه اكتر .افعلي كل ما تستطيعي فعله حتى تحافظي علي زواجك فاذا نجحتي في خلق الحب بينكم بعدها ستنحل جميع مشاكلك .اصبري وادعي ربنا ديما وبعدها ستتغير حياتك للاحسن إن شاء الله.