انتظر هدية من زوجي البخيل

المشكلة:تزوجت زواج تقليدي من اكتر من ١٠سنين وعانيت كتير من عدم التكافؤ والتفاهم علطول مشاكل وخناق انا واحدة على قدر من الجمال والثقافة والجاذبية ومتكلمة وليه حضور في أي مكان اروحه ومتعلمة تعليم جامعي وهو مع الاسف تعليم متوسط ولكن ليست المشكلة في التعليم ولكنه عديم الروح عديم الثقافة ممل ومببفهمش يعني ممكن اكون بتكلم في موضوع يكون بيتكلم في موضوع تاني كاره للحياة عديم الشخصية غير عاطفي بالمرة حتى مادياته ضعيفة يعني مرتبي انا ضعفه ومش حارمة نفسي من حاجة الحمد لله بس بتمنى لو حتى في يوم يجبلي وردة لكنه بخيل تخيلوا من ١٠ سنين جواز بتحايل عليه يجبلي هدية انا مش اعبر عن اللي جوايه بس احنا في مشاكل كتييير وكل مرة يتدخل الاهل والأصدقاء ونرجع ووصلنا للطلاق مرة ورجعنا عشان ولادنا عندي منه ولدين ووصلت لغايت اني ارفع قضية طلاق وارجع اتنازل تاني بردوا عشان ولادي وكنت بحس إني بحبه شوية أو ممكن عشرة وتعود لغايت ما وصلنا لدرجة إنه بقى ضعيف جنسية دلوقت بقالنا تقريبا سنة مش عارف وانا تعبانة يعني سنين وانا محرومة عاطفيا مش حاسة بأي سعادة معاه وبقول اتحمل عشان ولادي لكن كمان حقي الشرعي انحرم منه انا مشاكل كتييير متكلمتش عنها زي تدخلات أهله وضعف شخصيته معاهم وعدم تحمله مسئولية البيت غير بالخناق لكن لغايت كده ومش قادرة على فكرة راح لدكتور وخد علاج ومفيش فايدة وطلاق مش راضي يطلق والمحاكم موالها طويل وانا فعلا تعبانة وصلت إني بدور في المواقع الإلكترونية عن حاجة تريحني وخايفة اوصل للحرام ومش عارفة اعمل ايه بدون تجريح ارجوكم

الحل: اختى اذا اصرتى على الطلاق وهو لم يوافق فعليكى رفع دعوة طلاق وتذكرى انه ضعيف جنسيا ستقوم المحكمه بتحوليه الى الطبيب الشرعى واذا اثبت ذلك فانك سوف تتطلقين فى اسرع وقت مادمتى لا تحملى عدم ممارسه العلاقه الحميميه وبالفعل انتتى بذلك تحمى نفسك من الوقوع فى المشاكل والحرام حتى لا تكونى ضعيفه اما اى نظرة