زوجي متعلق بأهله ولا يهتم بنفسيتي المتعبة

السلام عليكم ورحمة الله يابنات انا حابي احكي مشكلتي او اذا صح تعبيري لي زاعجني بزوجي بتمنى انو تحطوا حالكم محلي لتقدروا تساعدوني بحلول زوجي عمرو ٣٣ اهلو مختلفين عن اهلي بالتفكير وببعض الامور حتا ماديا كلامي هوي كتير بيحكي لاهلو كل شي بصير معو كبيرة وصغيرة بتخصو مابتخصو اي شي سمع فيه بدق وبيحكي فيه لاختو وامو شغلات تافهة صغيرة بيني وبينو بيحكيها اذا شغلة بتخصني بس الي بيحكيا اتفه الامور اي اتفه الامور لدرجة انو اذا صدفت كان عم يحكين وفتت ع الحمام بقلن هلق مرتي فاتت ع الحمام ليوم قريت محادثة مع اختو واكتشفت انو فعلا مافي جنس الخصوصية بيني وبينو ماتوقعت انو لساتو مرتبط فيها اكتر مني ممستعد يحكي اي شي حتا لو كانت بضرني بنات بعرف ممكن انتو فكرتوا هلق اني غيرانة منها لا طبعا علاقة الاخ مع اختو علاقة وصدقا انا بنت عاقلة كتير مستحيل كون بدي يقطع علاقتو مع اهلو او اختو بس بدي ياه يفهم انو حياة الاعزب مغايرة تماما عن المتزوج بدي حس انو في خصوصيةة كيف فيني خليه يبطل هالعادة امانة لي عندها حل او فكرة تقترحها علي انتو مابتتخيلوا شقد

اهلا بك يا ابنتي والحقيقة انه ولد امه واخ اخته لمدة 33 عام من حياته وانت تزوجك من فترة قريبة، ويبدو انه كان معتادا على مشاركة كل امر معهن، والان لا يزال على هذا الطبع، وزواج فترة قصيرة لن يغيّر عادة له عليها عمر طويل جدا، ولهذا ضعي في بالك ان التغيير سيأخذ وقت، والاهم التغيير يجب ان يكون له هدف، والتغيير يحصل لأمر فيه علاقة بالمشاعر اكثر من المنطق احيانا. ولهذا فكري في هذه الأمور ولنفرض مثلا انك بدأت بتقليل اخباره عن اي امر والتكتم وعدم الكلام وسالك لماذا تغيرت؟؟ تقولي له لانك تخبر الاخرين بكل كلمة اقولها، وانا لا احب ان اظهر باي مظر امام احد، وربما تطلبي منه جلسة حوار وحديث مفتوح وتضعي له المطيبات اللذيذة وتخبريه عن الفرق بين حياة الاعزب والمتزوج وتشيري الى امر العلاقة الخاصة بينكما وان ليست الامور للنشر. والاهم الاهم ان تؤكدي انك متفهمة له ولاهله وتحبينهم ولا تغاري وما عندك مشكلة ولكن ان ينقل كل امورك الخاصة وكل موقف وكل كلمة لهم فهذا ما يتعبك ولهذا تريدين ان تضعي حد ما بين حياته مع اهله وحريته معهم وحياته معك وخصوصية الزوجية، واخبريه ان هذا ليس من التشريع وان حفظ امور الزوجين حق على الاثنين، وتكلمي معه وان فعل اي امر صحيح قدمي له امر يفرحه كتعزيز للسلوك، حاولي ان تشدي مرة وترخي مرة، وفي الكفة الأخرى طالما ان الفعل لا يؤذيك لا عليك منه ولا تضغطي على اعصابك كثيرا وتفكري به كثيرا بل افعلي كل امر جيد ولا تخافي من نقل الاخبار وتفاخري انت بافعالك، وهو يحتاج الى وقت لتغيير هذا السلوك، والاهم ان تبقي طيبة مع اهله ومعه شخصيا حتى لو لم تخبريه باي امر حتى لا تقلبي الأمر ضدك. وربي يوفقك.