ما هي الطرق الفعالة التي يجب أن أتخذها تجاه زوجي الخائن؟

المشكلة :زوجي يحب خطيبته السابقه المشكله هي اني اتجوزت من 7 سنين وعندي ابن دلوقتي وجوزي مهندس .مرينا بظروف صعبه عشان نتجوز لان الاهل مكنوش موافقين بس اتمسكنا ببعض واتجوزنا (كان جواز صالونات). جوزي كان حكيلي انه كان خاطب واحده قبل ما يخطبني وكان بيحبها بس محصلش نصيب لان اهلها كانوا مش موافقين وانا بردو زيه كنت مخطوبه قبله . هو كان عاوز يرجع لها قبل مايعرفني بس هي رفضت لانه هو اللي فسخ الخطوبه لما امها قالت له كلام جارح المهم اتخطبنا واتجوزنا وكان كويس معايا صحيح في خلافات الزوجيه العاديه وطبعا اول 3 سنين كانت في خلافات زياده شويه عشان كان كل واحد بيعرف طباع التاني. بس كنت بحس اننا متمسكين ببعض ومتفاهمين لحد كبير وكان في لحظات جميله بينا وهو صحيح عصبي بس اوقات كتير حنين . لحد ما اكتشفت انه في 2017 كان بيدور علي رقم خطيبتته الاولانيه في التروكولر طبعا حزنت ولما سالته عن السبب قال انها غلطه ولحظه خيابه .عديت الموضوع وسامحته وسالته وقتها انت بتتكلم معاها حلف وقال لا وانا صدقته . انا اكتشفت الكلام ده اول 2018.وبعد كده عشنا كويسين لحد امبارح قلت ابص بصه في الموبيل اتاري انه عامل اكونت فيس غير اللي عنده ولما عرفت ادخله شوفت انه كان بيتكلم معاها واخر محادثه بينهم كانت 2016 وكان بيقولها انه بيحبها ومش قادر ينساها ومش هيحب غيرها وعارض عليها الارتباط كمان لكن هي ردها هو الرفض وقالت انه بيبص لورا وخليك واقعي وانت اخترت حياتك وقالت له متكلمنيش تاني. طبعا انا قريت الكلام ده جت لي صدمه صحيح الكلام ده من 3 سنين بس حصل ودا فسر لي هو ليه كان بيدور علي رقمها في 2017 وكمان حلفا كدب عليا. المهم واجهته وسبت البيت وطلبت الطلاق وانا دلوقتي عند بابا ومحكتش لحد .السؤال دلوقتي معقول محبنيش خالص؟.امال اتجوزني ليه؟معقول الايام الجميله دي كانت كدب رغم انه مكنش باين عليه خالص؟وكلامه ليا كله كدب؟حقيقي مزهوله وياتري اتصرف ازاي اتطلق ولا اعمل ايه ؟وازاي اثق فيه تاني ؟وازاي اعيش مع انسان بيحب واحده تانيه غيري ؟ ياتري اية رد الفعل القوى الى لازم اخدة. أرجو من حض

الحل : شكرا لك سيدتي على ثقتك بموقع حلوها . لقد اختلقت مشكله من حديث دار بين زوجك وخطيبته السابقه منذ سنوات وتركت بيتك لتعطيه حريته في التحدث إليها ولتتركي لها الساحه . لقد أخطأت طبعا ، أولا بمراقبه هاتف زوجك وثانيا بترك بيتك من دون التفاهم مع زوجك وفهم موقفه من هذه القصه . دافعي عن حياتك الزوجيه ولا تهربي من المشكله بل واجهيها ، زوجك هو والد طفلك ولن يتخلى بسهوله عنك وعن ولده ، ربما دفعه الفضول أو التسليه ليسأل عن أخبار خطيبته السابقه وفهم منها موقفها فتركها . ما الفائده من كل هذه المشاكل الآن وهو لم يخونك بالفعل ، لا بد لك من أن تفكري في عائلتك أولا وتتغاضي عن هفوة زوجك لتحافظي عليها .