جعلني فاشلة دراسياً وقطعني عن أهلي وابتعد

المشكلة: السلام عليكم كل عام وانتم بخير معلش موضوعي طويل شويه بس ارجو انكم تفيدوني تزوجت وانا عندي ١٦ سنه كنت لسه في٢ ثانوي ضحك عليا وقالي حخليكي تكملي تعليمك بعد ماتزوجت كل مااذاكر قدامه يتضايق علشان مايخلينيش اذاكر وفعلا بقيت مشغوله ومش بذاكر لغايه ماجبت ٥٦ في الميه يعني خلاني فاشله بمعني الكلمه مع اني كنت متفوقه ومع ذلك هو ماقدرش دا كلو من اول ماتزوجت بيسمع كلام امه ودايما مخاصمني بسبب امه واخواته المهم انا وهو الفتره الاخيره بقينا متفاهمين وانا بقيت ابعد عن اي حاجه ممكن تخلي امه تعملي مشاكل وبقيت ازورها كتير وابعت لها هدايه وبرضو بتكرهني المهم اخر مشكله حصلت هي كانت بين حماتي واختي وانا مكنتش موجوده في البيت انا لما جيت البيت قالولي علي اللي حصل راحت حماتي اتصلت بجوزي وسخنتو عليا لحد مامنعني انا وبنتي من اختي قالي هي لاتيجي عندك ولا تروحي عندها قلتلو حاضر ومن ساعتها وهو مابيكلمنيش وبعتلو رسايل ماردش عليا مع اني مالييش ذنب اقسم بالله في اخر مشكله انا متاكده ان الموضوع دا مش هيعدي علي خير وان امو مش حتسكت غير لما تطلقني سؤالي هو انا عايزه اكمل تعليمي وعارفه ان ٥٦ دي مش بتدخل كليه بس انا عايزه اعمل اي حاجه علشان اكمل تعليمي عايزه لو ينفع ادرس ثانوي تاني عايزه ابدا حياه جديده انا كنت ثانوي ازهري واصحابي قالولي عادي تقدمي وكده بس التقديم دا سفر بعيد وانا مش هينفع اسافر ظروفي صعبه ارجوكم فيدوني ازاي ابدا حياتي حتي لو مش حينفع اكمل تعليمي انا عايشه في قريه وحاسه نفسي في سجن عايزه انطلق مش عارفه اعمل ايه حاسه نفسي مقيده وفي نفس الوقت مش قادره استسلم للواقع

الحل : حاولى ان تصلحى حياتك لزوجيه مع زوجكك وان تقربى منه وتعرفى كيف تكون علاقتكم قويه ومن هنا تغلقى الباب امام والدته لكى لا تفتعل المشاكل بينكم وبعد ذلك يمكنك ان تقنعى زوجكك باى شكل وباى امر حاولى ترتبى حياتك بشكل منتظم فالبدايه من عند علاقتك بزوجكك