زوجتي انتقمت مني عن طريق تواصلها مع حبيبها القديم

المشكلة:مشكلتي مع زوجتي انها قبل نتزوج كان لها علاقه مع شخص آخر. وأنا أيضا كان لي علاقه انتهت قبل زواجي بسنه ونصف.. بعد سنه تقريبا من الزواج رجعت أتواصل مع البنت الكان لي علاقه فيها بسبب انها انتقلت لنفس المدينه اللي نحن فيها وتعمل في نفس مكان عمل زوجتي.. كان تواصل عادي حتى زوجتي هي اللي تعزمها على البيت او المناسبات يعني عادي. ف في يوم كان عندي شغل متأخر وقلت لزوجتي اول ما أخلص برجع البيت تقريبا الساعه 12 وبالصدفه لاقيت البنت الكان عندي معاها علاقه واصريت اني انتظرها تخلص من شغلها وارجعها الشقه اللي تسكن فيها لأن الوقت كان متأخر نوعا ما.. وبسبب اني انتظرتها رجعت البيت متأخر وما كلمت زوجتي بالموضوع فقط لأني انشغلت بأشياء أخرى المشكله الآن أن زوجتي شافت رساله في تلفوني من نفس البنت تقول فيها شكرا على انك انتظرتني وقت طويل وما رضيت ترجع إلا تتأكد اني وصلت.. ف لمن سألتني زوجتي حاوبتها عادي انو كان الوقت متأخر ورجعت معي ونسيت أقولها لأني انشغلت فقط ف زوجتي الان تشك فيني لدرجه بعيده تقول لو كان القصه بالبساطة دي كان حكيت لها ولينا أكتر من أسبوع متخاصمين بسبب الموضوع.. و زوجتي حاليا تتواصل مع الشخص اللي كان معاه زمان عشان تحس انها انتقمت مني. هو من اقاربها. اول أمس عزمته على عيد ميلاد أخوها الصغير وحسيت انها متنبهه تشوف رده فعلي بس ما اهتميت لأني أعرف ما تحس تجاهه شي ولا يمكن وفي نفس الوقت ما عاجبني انها حاسه محتاجه تعمل كدا عشان تأثر فيني.. كل ما أحاول اكلمها في الموضوع تصر اني كذاب يوميا احلف لها بالمصحف وابوس يديها وأقولها أن ماف شي من ناحيتي تجاه البنت بس هي مصره مع ان علاقتنا من الأول حتى قبل الزواج مبنيه على الثقه. انا ما اسألها من شي ولا هي بس الاتنين نثق في بعض يعني اول مره يحصل كدا ما عرفت شنو اسوي يوميا في حاله نكد!! مع العلم انو علاقتنا بدت من سنتين و متزوجين من سنه

الحل: ان تصرفكما بهذه الطريقة انت وزوجتك سوف يؤثر على علاقتكما الزوجية بطريقة كبيرة فلا يوجد ما داعي لهذا كله اجلس معها وتحدث معها بكل وضوح عما حدث وعما تقوم به هي وان هذا سيؤدي الى نهاية غير مرضية واقطعوا علاقتكما بهذه الفتاة