في كل مرة نتخاصم بها يرجعني لبيت أهلي

المشكلة : أعاني من تصرفات زوجي ... دلوني ارجوكم اعمل ايه مع زوجي انا مغتربه عن بلدي انا وزوجى اول ما اتجوزنا اتجوزنا وسافرنا ومفرشناش شقه لينا وكانت ظروفه صعبة اشتغلت عشان اساعده شغل خاص والحمد لله الحياة بقت كويسة لكن كل ما نتخانق او نختلف يحلف عليا انه ينزلنى عند اهلى ويسيبنى عندهم ممكن شهر او شهر ونص طبعا بكون محرجه وببعد عن شغلى وعن بيتى وعن البلد اللى اتعودت عالعيشه فيها غير انى معنديش شقه فبفضل قاعده عند اهلي وبكون محرجه جدا ولا يسأل عليا ولا يبعتلى فلوس لانه عارف ان معايا فلوس من شغلى دلوقتى اختلفنا اقسم عليا انه لازم امشي واقعد عند اهلي بردو شهرين انا شغلي لسه قدامى شهر او شهر ونصف ويخلص قالى طوال الشهر او الشهر ونصف ابعدى عنى وعيشي ساكته لحد ما شغلك يخلص وانزلى عند اهلك انا جدا مقهورة قلتله حرام انا عملت ايه زعلان سيب البيت وروح عن اصحابك يومين لكن تخلينى اسيب بيتى وانزل انا وابني وافضل قاعده عند اهلى وانا اصلا المشكله دى معملتش حاجه هو يتنرفز ويزعق ويحلف انى امشي لوحده كده مصمم على كلامه انزلى اقعدى عندك اهلك شهر او اتنين انا عارفه انه بايع وعادى عنده لو قلتله بتنزلنى هطلب الطلاق بيوافق يقولى زي ما انتى عايزة مش هغصبك انا مقهورة وعلطول ببكي ايه الحل معاه

الحل : اختي الكريمة اصبري عليه هدم البيوت امرا ليس سهلا أبدا والغربه فعلا صعبه اتقربي منه وانسي ما فات وابداي صفحه جديدة حاولي تشوفي شكواه كانت من ايه ربما يفتقد فيكي شيء وانتي لم تنتبهي له أو ربما انتي مقصره معه في شىء عاطفي .البسي له أفضل ثياب عند مجيءه وحاولي تغييري من اسلوبك معاه للاحسن وحضري جو رومانسيًا يتفاجيء به عند مجيءه .من الآخر دوري علي مفتاحه .واستعدي لاستقباله بابتسامة وحب وحضن واشعريه باشتياقك له .نصيحه مني حاولي تكسبي جوزك بما يحبه هتلاقي منه ما تحبيه . أنا كمان زوجي مغترب لو عايزه تعرفي اكتر ممكن تسالي.وفقك الله