كافحت وحاربت الجميع لكي أدرس الطب ولكن

انا مشكلتي اني اشعر ان شخصيتي تغيرت وأصبحت لا أبالي بالوقت ولا احب ان اختلط مع الناس الا ناس محددة كنت متفوقة في دراستي جدا مثقفة واثقة من نفسها عندي هوايات مختلفة وأتقن اشياء كثير ومرتبة ومنظمة وما اشعر بالملل أستفيد من وقتي كله سافرت للخارج لأكمل دراسة الطب اول سنة عدت جميلة جدا وكنت اذاكر كعادتي ولا امل وأحيانا اشعر ان مكالمات اهلي لي لمدة ساعة كانت تشغلني عن دراستي ! وبعد اول سنة تغيرت حياتي أصبحت اجد صعوبة في التركيز واحاول ان اذاكر واجلس افتح الكتب بس احس اني لا استوعب ذاكرتي وذكائي قلت في نفس ديك الايام انام واشوف احلام كلها قطط يعني لازم تكون في بسة في الحلم وقفت السنة ديك حسّيت بعجز والسنة الي بعدها رجعت نفس المشكلة واسوا المهم اني في سنة تانية ٣سنوات اول سنة وقفتها تاني سنة عندي مادة لم اجتازها تالت سنة غيرت الجامعة ودرست تانية فيها لاني ماتحملت صدمة دفعتي من حالي كل مين شافني يصيح عليا اطلبي اعادة تصحيح هذولي ظلموني وكدة بس انا صرت ماقدر استوعب عارفة انه المشكلة فيني غيرت الجامعة وخلصت من تانية وطلعت تالتة استمريت لآخر السنة امتحنت اول امتحان وخرجت من الامتحان للمطار رحعت الديرة اهلي كلهم مستغربين وارتحت راحة اني رجعت وقلت لهم مابي ادرس بكيفي وعادي انتهت الاجازة مع بداية الدراسة حصلت لنا مشكلة مادية وماقدرت ارجع صارت سنتين والسنة التالتة الان في اخر أيامها درست وكل شي لكني ماجلست لامتحانات الترم الاول كلها حتكون وراء بعض الامتحانات مواد الفصلين كلها والحين باقي لي اسبوعين عشان تبدأ الا متخانات ،ترى الدراسة اختياري انا وانا حاربت عشان ادرس ماعندنا بنت في العيلة درست حتى الشباب مافي احد وصل للي وصلته ابوي كان معارض من البداية بس اصريت والحين يبيني اكمل لان الخساير المادية الكتير الي اندفعت ،وانا مشكلتي ماشوف انها صعبة بس مني قادرة اجلس وادرس وأركز كلما فتحت كتاب نفسيتي تسد ومالي خلق لشي وجاني برود احس الخوف من الامتحان مافي مستعدة انام ليلة الامتحان كلها وانا مني دارسة الا باب واحد واحس كمان ماتلذذ في العبادة زي زمان يعني اصلي بس روحي احسها م صلت ونفسي احفظ القران بس مني قادرة اسجل في كم تحفيظ وماقدر احضر ودخلت كم قروب حفظ عن بعد في الاخير يحذفوني اكتر شي يزعجني الوقت الي كنت اشوفه شي مهم صرت احرقه بدون اَي شي مفيد ،صح رحت لجلسة رقية ،وابوي يقول لي أنتي تتوهمين مافيك شي ،احس اني تمثال من الفخار خاوية من الداخل بس شكل

اهلا بك يا ابنتي وكل ما تمرين فيه هو قلة ارادة عندك وحقا كافحت لهذا المستوى وابوك تحمل معك وصرف عليك كل هذه المبالغ الطائلة لتكتشفي انك تعبثين وتمر السنين وانت مكانك نصيحتي لك غيري التخصص فربما الدراسة صعبة عليك وانت لست قد الطب فهو يحتاج الى مثابرة ومتابعة ورغبة ولا يجوز ان يكون طبيب في هذه المواصفات واعتقد انك توهمت انك محسودة او معمول لك عمل وصدقت هذا الوهم واصبحت تعيشين فيه، يا ابنتي هذه حياتك وعمرك يجري وفرصتك تقل واصبحت كالمنبتِّ لا ارضا قطع ولا ناقة ابقى، قومي واتخذي قرارك اما تنسحبي وتوفري على ابيك عبء المادة وتصبحي مثل غيرك ولن يضرك الامر واما ان تطاردي حلمك وتعوضي كل ما فاتك، وتعيدي تريتيب حياتك ووقتك واعمالك واولياتك والقرار لك وهذه الامور ارادية وبايدينا ولا علاقة للنصيب فيها فلكل مجتهد نصيب وهي قرار شخصي فاتخذي قرارك بوعي وان قررت التميّز فهو امر يحتاج الى جهد وتعب وبذل فكوني على قد قرارك واي مساعدة ارسلي لي رسالة تالية وانا ادلك على طريق الدراسة الصحيحة وربي يوفقك.