كيف أتقبل جامعتي التي أكرهها

اريد حل . تخرجت ولله الحمد من الثانوية العامة بمعدل ممتاز جداً و صار الوقت اني ابلش رحلتي الجامعية يلي اهلي شافوها مناسبة الي بما اني مش عارفة شو ادرس لكن انا اختاروا الجامعة والتخصص وانا كنت بحاول اتقبل لكن من اول مرة رحت الجامعة وانا ما ارتحت لها ابداً مو شايفه حالي فيها ابدا بس الجامعة للامانة قوية ومنيحة والتخصص قوي صح لكن انا مو هدفي هيك تخصص computing security ما بحب الفيزيا ولا الرياضيات كثير وعندي رهبة من الجامعة طبعا حاولت اتكلم واحكي ما بدي ياها لكن طبعاً ما بسمعولي تحت بند جربي مش رح تخسري و انا حرفياً كنت مفكرة اني اخلص ثاني عشر وارتاح خلص لان صراحة ما كنت حاطة تخصص ببالي الا طيران ولكن الطيران غالي ف صعب والان انا مو عارفة شو اعمل مع اني فكرت بتخصص والي هو الاعلام الالكتروني لكن طبعاً الاهل اختصروها علي مافي وظائف ورواتب منيحة ف لا وحالياً انا دوام الجامعه بعد بكرا ولا بعرف كيف اتقبلها للجامعة وكيف ابلش بشي انا مو حابيتو ولا بفكر فيه سواء جامعة او تخصص شو اعمل؟

اهلا بك يا ابنتي وانت وقعت في مصيدة ان الجامعة راحة ودلع والطالب ياتي للجامعة يظن انها تنزه وحب وعلاقات لتنصدم بعض الطلبة بان الجامعة تحتاج الى دراسة يومية ومتابعة ويمكن اكثر من الدرسة وخاصة في تخصصات نادرة مثل تخصصك، اتعرفين قيمة هذا التخصص؟ سيفتح امامك مجال لا حدود له ان شاء الله. والجامعة ما هي الا مباني والمهم مستوى الجامعة وسمعتها بين الدول لاجل العمل، لذا لا تضعي هذه الافكار السلبية براسك ولا تكتئبي واذهبي وانت مرتاحة وسعيدة ومتفائلة وربي يوفقك.